2015-жылдын март айынын аягында Кызыл-Токой айылындагы Камчыбеков атындагы орто мектепте райондук деңгээлде мектептер аралык “Элдик ырларды аткаруу жана көркөм окуу” темада болуп өткөн конкурста Шекафтар мектеп-интернатынын 11-а-классынын окуучусу Шабекова Адилет (мугалими Гүлжамал Байзакова) биринчи орунду ээлеп, конкурстун жеңүүчүсү деп аталып, областтык конкурска жолдомо алган эле.
2015-жылдын 4-апрелинде Жалал-Абад шаарынын Зуура Нурматова атындагы Кыргыз-Түрк кыздар лицейинде жогоруда аталган темада өткөрүлгөн конкурста Шабекова Адилеттин аткаруусундагы “Сары-Ой” элдик ыры жана Э.Ибраевдин “Жан дүйнө жаңырыгы” ырын көркөм окуусу Шабекованын lll-орунга чыгышын камсыз кылды.
Албетте, Адилеттин райондук жана областтык деңгээлдеги ийгиликтери Шекафтар мектеп-интернатынын жалпы жамаатын сыймыкка бөлөдү.
Б.Исаков «Чаткал оттору»]]>
