Архив метки: muftiyat.kg

Кызыл-Токой айылында муктаждарга жана майыптарга зекет таратылды

Чаткал районунун Кызыл-Токой айылынын имамы Бүркүтбаев Раталы Атабаевич зекет чогултуу иш чарасын уюштуруп, колунда бар жергиликтүү тургундардан 24 кой 30 миң сом акча чогултуп, 5 жетим-жесир, 6 аз камсыз болгон үй-бүлөгө жана ошондой эле майыпттарга таратып бергендигин / райхатиб Кубанычбек ажы Токонов билдирди. Бул тууралуу Muftiyat.kg  сайты кабарлады.

IMG-20180107-WA0166

Эске салсак, Раталы Бүркүтбаев 2015-жылы 12 кой-эчки, 2016-жылы 43 кой-эчки жана 15 миң сом берсе, 2017-жылы 24 кой чогултуп, муктаждарга таркаткан.   Ал эми облустук казыят мындай  кайрымдуулук иштерин активдүү уюштуруп, аз камсыздарга жардам берип жаткандыгы үчүн Чаткал районунун Кызыл-Токой айылынын имам хатиби Бүркүтбаев Раталыга  ыраазычылык  баракчасын тапшырган.

Бул тууралуу аталган сайтка Жалал-Абад казыятынын маалымат катчысы А.Хаджибеков билдирген

Кызыл-Токой айылынын имамы Терек-Сай айыл аймагынын «Ыраазылык баракчасы» менен сыйланды

Терек-Сай айыл өкмөтүнүн Кызыл-Токой айылындагы «Артыкбай ажы Осмон уулу» мечитинин имамы Бүркүтбаев Раталы Атабаевич «Ыйман, адеп жана маданият» жылына карата айылдын жаштарына туура багыт берип, тарбиялоодо кошкон салымы жана коомдук иштерге активдүү катышкандыгы үчүн Терек-Сай айыл өкмөтүнүн “Ыраазычылык баракчасы” менен сыйланды. Бул тууралуу Muftiyat.kg  сайтына таянып Чаткал районунун имам хатиби Кубанычбек ажы Токонов билдирди.

IMG-20170831-WA0091 IMG-20170831-WA0100

Сыйлык ээси Раталы Бүркүтбаев аймактардагы түшүндүрүү иштерин улантып, жергиликтүү бийлик өкүлдөрү менен кызматташууну жакшыртуу иштерин жүргүзүп, мамлекеттин тынчтыгы үчүн бар күчүн жумшап келет.

“Мындан ары талыкпай иш аткаруу милдети мага дагы жүктөлүп, бекемделди. Бул облус казысы Абдулазиз кары Закировдун тапшырмасы менен жана райхатиб Кубаныч ажы Токоновдун иш мерчемине ылайык  ишке ашырылды”, деди Раталы Бүркүтбаев.

М. Эшназаров