Архив метки: С. Таиров

“Кургак учукту токтотобуз!” иш чарасы болду

2015-жылдын 19-январында эл аралык коомчулукту улам тынчсыздандырып бараткан кургак учук дартынын массалык түрдө жайылып кетишинин алдын алуу максатында КР. Саламаттыкты сактоо министрлигинин №20 буйругу чыгып,  ага ылайык, республиканын аймагында кургак учук дартына каршы ар кандай маданий-массалык иш чаралар өткөрүлүп келүүдө.

Жакында, районубуздун Каныш-Кыя айылында жогорудагы буйрукка негизделген Чаткал райондук жалпы дарыгерлик практикалык борборунун буйругуна ылайык, “Кургак учуктан өзүбүздү сактайбыз” аттуу райондук деңгээлдеги иш чара болду.

IMG-20160328-WA0001 IMG-20160328-WA0002 IMG-20160328-WA0003 IMG-20160328-WA0004 IMG-20160328-WA0006 IMG-20160328-WA0000IMG-20160328-WA0011IMG-20160328-WA0001

Аталган иш чарага райондук ЖДПБнын, райондук ден соолук комитеттеринин, санэпидкөзөмөл борборунун, РИИБ, райондук өрткө каршы бөлүмүнүн жана раймамадминистрациянын кызматкерлери, мектеп окуучулары катышты.

Иш чара алгач катышуучулар  “Кургак учук айыгат!”, “Кургак учукту бирге токтотобуз!” деген ураандар жазылган плакаттарды көтөрүшүп, РИИБ ЖКК бөлүмчөсүнүн жана райондук өрткө каршы бөлүмүнүн кызматкерлеринин коштоосунда райондук ЖДПБдан раймамадминистацияга чейинки борбордук көчөнү басып өтүштү.

Андан соң, район борборундагы “Канышай” соода борборунун алдында иш чаранын негизги бөлүгү болуп, анда район акиминин орун басары М. Досматов, райондук ЖДПБнын директору С. Таиров, райондук ЖДПБнын ден соолук чыңдоо адиси Ж. Нарынбетова, Каныш-Кыя айыл аймагынын соцадиси Ж. Осмоновалар сөз сүйлөшүп, республикадагы кургак учукка каршы аткарылып жаткан иш чаралар тууралуу айтышты.

Иш чаранын жүрүшүндө, медкызматкерлер тарабынан  кургак учук дарты, андан сактануунун жолдору тууралуу баяндамалар окулуп, катышуучуларга кургак учуктун алдын алуу боюнча баракчалар таркатылды.

Мындан сырткары, мектеп окуучулары тарабынан ыр, бий коштогон чакан концерт тартууланды.

М. Эшназаров

Чаткал райондук ЖДПБнын директору С. Таиров-Эмдөө иштерине айыл башчылары да көмөктөшүүлөрү зарыл болууда

ГКЧП 2016 IMG_5640

-Жер-жерлердеги айыл башчылары калкты эмдөөдөн өткөрүү ишине ФАПтардагы фелдьшерлерге жардам берсе жакшы болмок-деди Чаткал райондук ЖДПБнын директору С. Таиров жакында раймамадминистрацияда болуп өткөн жыйында. Анын айтымында, азыркы кезде ФАПтардагы фельдшерлер жалгыз болуп, калкты эмдөөдөн өткөрүүгө жетишпей кыйынчылык тартып жатат себеби, эмдөөгө көпчүлүк ата-энелер өздөрү келишпейт. Аларды чакырып келүүгө же, үйүнө барып эмдөө жүргүзүүгө туура келет. Айрым учурларда ар кайсы себептерден улам, эмдөөдөн баш тарткан учурлар да болушу мүмкүн. Мындай учурда айыл башчылары фельдшерлерге жардам берсе жакшы болмок.

Буга кошо эле С. Таиров азыркы учурда медициналык мекемелерден калкты кыдырып эмдөө милдети эчак алынып салынгандыгын, антсе да медкызматкерлер элди кыдырып, эмдөө жүргүзүп келатышкандыгын кошумчалады.

М. Эшназаров