Архив метки: министрлиги

«Жоокер ыры » республикалык кароо— сынагына тандоо сынагы болду

Бүгүн, район борбору Каныш— Кыя айылындагы Ч. Айтматов атындагы райондук маданият үйүндө быйылкы «Ыйман, адеп жана маданият жылына » карата КР. Билим берүү жана илим министрлиги жана КР. Коргоо иштери боюнча департаменти тарабынан жарыланган республикалык «Жоокер ыры » кароо— сынагына карата райондук тандоо сынагы болду.

IMG_20170310_130501 IMG_9831 IMG_9810 IMG_9829 IMG_9819 IMG_9833 IMG_9834

Аталган сынакка райондон жети мектептен таланттуу окуучулар катышып,   программага ылайык, патриоттук духтагы обондуу жана көркөм ырлардан аткарышып, өз өнөрлөрүн көргөзүштү.

Соңунда, калыстардын чечими менен 1-орунга С. Байдөөлөтов орто мектебинин, 2-орунга Т. Жаналиев орто мектебинин ал эми, 3- орунга Исмаил уулу Матиш орто мектебинин командалары ээ болушту.

Эми, жеңүүчүлөрдөн тандалган таланттуулар облустук тандоого барышмакчы.

Кароо— сынак райондук жетекчиликтин буйругуна ылайык, райондук билим берүү бөлүмү жана райондук аскердик комиссариаты тарабынан уюштурулуп, өткөрүлдү.

М. Эшназаров