Архив метки: К. Эшалиев

Район калкынын саламаттыгы үчүн

Бүгүнкү күндө район боюнча 31 улан, кыздар  район тарабынан  жогорку медициналык окуу жайларында кен казган фирмалардын колдоосу менен окутулууда.   IMG_20190206_110526Бул улан, кыздар окуу жайларын аяктаган соң, алдын ала келишим боюнча Чаткал районуна беш жыл иштеп беришет. Бул тууралуу район акими К. Эшалиев элдик жыйында маалымдады.

Жалал-Абад ОИИБнин жетекчилиги районго келди

Жалал-Абад областтык ички иштер башкармасынын башчысы, милициянын полковниги Мамасеитов Акылбек Садырбекович жетектеген ОИИБнын орун басары, милициянын подполковниги А. Хажиматов, ОИИБнын штабынын башчысы, милициянын подполковниги К. Сариев, ОИИБнын ички коопсуздук кызматынын башчысы, милициянын майору Б. Маматов, ОИИБнын кадрлар бөлүмүнүн башчысы, милициянын подполковниги Э.Тажиев,  ОИИБнын патрулдук милициянын башчысы, милициянын подполковниги А Досовдор Чаткал районуна иш сапары менен келишип, Чаткал райондук мамлекеттик администрациясынын башчысы-аким К. Эшалиев менен биргеликте Чаткал РИИБнүн өздүк курамы жана райондун жашоо шарты менен жакындан таанышты.21

Областтык ички иштер башкармалыгынын башчысы, милициянын полковниги А. Мамасеитов райондук ички иштер бөлүмүнүн өздүк курамы менен таанышуунун алдында  райондук ички иштер бөлүмүндө көп жылдан бери эмгектенип келе жаткан РИИБнүн казына башчысы Турсунбаева Гүлчехра Хамидовнаны Кыргыз Милициясынын “90-жылдык” төш белгиси медалы менен сыйлады. Ал эми Чаткал райондук патрулдук милиция бөлүмчөсүнүн ишмердүүлүгүн жакшыртуу жана коопсуздукту камсыздоодо ыкчам чараларды жүргүзүү үчүн ВАЗ-2107 үлгүсүндөгү автоунаасын тапшырды.

Өздүк курам менен болгон жолугушуу учурунда ОИИБнын башчысы, милициянын полковниги А. Мамасеитов кызматкерлердин жашоо шартына, кызмат орундары жана кызматкерлердин окуу деңгээлине терең токтолуп, кенже курамдын кызматкерлерин жогорку окуу жайларга тапшыруусуна, ар бир кызматкердин жогорку кесиптин ээси болуусу керектигин айтып өттү. Ошону менен катар эле өздүк курамдын жүргүзүп жаткан ишмердүүлүгүнө баа берип, атуулдар менен кылдат жана сылык мамиледе болуп, райондук мамлекеттик администрация жана айыл аймактарынын кызматкерлери менен тыгыз байланышта иш алып баруусуна токтолуп, РИИБнүн кызматкерлеринин берген суроолоруна жооп берип, муктаждыктарын чечүүгө убадасын берди.

О. Өскөнбаев, РИИБнүн башчысынын кесиптик жана дене-тарбия боюнча орун басары, милициянын подполковниги.

Айымдарга арналган күндө

IMG-20160305-WA0006

Аялдардын Эл аралык күнү  Чаткал районунун аймагында да өзгөчө шаан-шөкөт менен белгиленип, аялзатынын  коомдон алган орду, деги эле сөз менен айтып түгөтө алгыс бийиктиги ал күнү дагы бир ирет даңазаланды. Ал эми райондук мамлекеттик администрациясында аялзатына арналган азем райондук маданият үйүнүн таланттарынын аткаруусундагы ырлар жаңырып, арзуу тилектер, белек берүүлөр менен коштолду. Ошону менен катар райондун акими К. Эшалиев райондогу мекемелерде иштешкен эмгек алдыңкылары болгон аялдарга раймамадминистрациясынын Ардак грамоталарын жана мекемелер тарабынан даярдалган белектерди таршырды.

Бул аземде  райондук аялдар Кеңешинин төрайымы Г. Акылбекова алдыңкы айымдар С. Топчубековага “Бактылуу чоң эне”, А. Курманалиевага “Нарктуу зайып”, Т. Раимкуловага “Ардактуу апа”, Ч. Жумабаевага “Ажарлуу айым”, А. Мамбеткуловага “Ишкер эже”, М. Назаловага “үлгүлүү кыз”, М. Турдуматовага “Келечек карындаш”  номинацияларын тапшырды.

Каныш-Кыя айыл аймагынын башчысы С. Мусабаев айыл аймагынын аймагындагы эмгек алдынкыларына айыл аймагынын Ардак грамоталарын жана 250 Баатыр энеге белектерин берди.

Б. Дилдебаев

Социалдык фонддун төрагасы М. Абулгазиев Чаткалга келди

Өткөн жылдагы социалдык фондго болгон төлөмдөрдүн жогорулашына республиканын башка жактары сыяктуу эле, Чаткал районунда да нааразылык пайда болуп, бул маселеде райондук жетекчилик жергиликтүү кеңештин депутаттары республикалык тийиштүү жактарга кайрылып келишкен.

Дал ушул маселеге байланыштуу февраль айынын 11инде КР. Социалдык фондунун төрагасы Мухамбеткалый Абулгазиев КР. Социалдык фондунун аппарат жетекчиси Рустам Тургунов жана Социалдык фондунун Жалал-Абад облусу боюнча куратору Медер Ирсалиев менен биргеликте районго келип, район калкы менен жолугушту.абулгазиевIMG_5720абулгазиевIMG_5668абулгазиевIMG_5663абулгазиевIMG_5680абулгазиевIMG_5694абулгазиевIMG_5702

абулгазиевMG_5710

Жолугушуу район борбору Каныш-Кыя айылында өтүп, анда район тургундары КР. Социалдык фондунун төрагасы Мухамбеткалый Абулгазиевге аталган маселенин алкагында ой-пикирлерин айтышып, сунуштарын билдиришти. Мында негизинен, катышуучулар тарабынан социалдык төлөмдөрдүн көтөрүлүшүнүн негизсиз экендиги айтылып, ага карата далилдер келтирилди. Катышуучулар белгилегендей, Чаткал району бийик тоолуу, шарты катаал, кышы узак жер болуп, ушундан улам, жердин түшүмдүүлүгү аз, малды асыроо да кыйынчылыкты жаратат. Ошондуктан, социалдык төлөмдөрдүн көтөрүлүшү район калкынын жеке кирешесине эч бир дал келбейт. Район калкынын көпчүлүгү социалдык төлөмдөрдүн жогорулашына каршы эмес, болгону, мынчалык эмес, элдин жашоо-шартына карап көтөрүү зарыл. Буга чейинки социалдык төлөмдөрдүн бир нече эсе көтөрүлуп кетиши райондун тургундарынын кирешесин бир топ эңшерип кетүүдө.абулгазиевIMG_5715абулгазиевMG_5669абулгазиевMG_5675абулгазиевMG_5683

абулгазиевMG_5703

абулгазиевMG_5705

Катышуучулар-У. Сейталиев, С. Исмаилов, А. Бузелбаев, Э. Кошокбаев, А. Сапарбеков, Ф. Атажанова, Ө. Токтогулов, К. Орозбаев, Р. Полотов, К. Осмонбеков, К. Алчынбеков,Ш. Төрөбековдор айтып өткөндөй, районун катаал шартын жана район калкынын жашоо-турмушун эске алуу менен, райондогу социалдык төлөмдөрдү калктын орточо эмгек акысынан эмес, үлүш жеринин аянтына карап, ошондо да мурда белгиленген гектарына 194 сом деп белгиленген социалдык төлөмдү гана эки же, үч эсе көтөрүп 400-500 сомдун чегинде белгилөө сыяктуу сунуштар айтылды.

Мындан сырткары, катышуучулар тарабынан райондук социалдык фондго да айрым маселелер боюнча нааразылыктар айтылды. Катышуучулардын талабына ылайык, М. Абулгазиев райондук социалдык фонд башкармалыгынын башчысы А. Эшикуловго башкармалык тарабынан башка мекемелерге көрсөтүү үчүн берилчү тийиштүү кагаздарды берүүдө жарандарды социалдык фондго болгон карыздарын төлөп, анан берүү талабын токтотууну айтты.  абулгазиевIMG_5659

Район акими К. Эшалиев М. Абулгазиевге айтылган сунуш-пикирлерди эске алуу менен,  социалдык төлөмдөр орточо эмгек акыдан эмес, үлүш жерлерден алуу сунушун айтып, мунун себеби, район аймагында иштеп жаткан кен казган ишканалардын эсебинен орточо эмгек акы жыл сайын өсүп, мындай маселе дале чыга берээрин кошумчалады.

Жолугушуунун соңунда, М. Абулгазиев элдин нааразылыгын жараткан социалдык төлөмдөрдүн жогорулашы боюнча жаңы мыйзамда мүчүлүштүктөр кеткендигин моюнга алуу менен, абулгазиевIMG_5661мыйзамга өзгөртүүлөр киргизилген соң, социалдык төлөмдөр жогорулаган учурда төлөгөн жарандарын төлөмдөрү мыйзам өзгөргөн соң, кийинки төлөмдөргө ылайык эсептелинип, тендештирилээрин жана жогоруда айтылган сунуштарды тийиштүү жактарга жеткирип, аталган мыйзамга өзгөртүүлөрдү киргизүү жараянында айтылган сунуштар пайдаланылаарын, мыйзамды өзгөртүү жараянына район акими жана бир өкүл катышаарын билдирди.

М. Эшназаров

Чаткалда “Түшүм майрамы” белгиленди

 

IMG_4673 IMG_4664 IMG_4666 IMG_4667 IMG_4650 IMG_4651 IMG_4652 IMG_4697 IMG_4708 IMG_4741Жыл сайын күз айларында районубуздун төрт айыл аймагында кезек менен “Түшүм майрамы”   белгиленип келет. Аталган майрам быйыл Чаткал айыл аймагынын Жаңы-Базар айылында чоң салтанат менен өткөрүлдү.

Салтанатта район акими К. Эшалиев, Чаткал айыл аймагынын башчысы Н. Мырзаяровдор баштаган райондук бийлик өкүлдөрү, алдыңкы айыл чарба кызматкерлери куттуктоо сөздөрүн сүйлөшүп, райондун айыл чарбасынын өнүгүшүнө көрүнүктүү салым кошкон инсандарга райондук, облустук деңгээлдеги сыйлыктар жана “Ардак Грамоталар” тапшырылды.

Мында, көрүнүктүү дыйкан-фермерлер Г. Таирова, Н. Молдобеков, Н. Курбанов, Э. Аширбеков, Н. Кудайбердиев,  Г. Мырзабекова, С. Исматов, Д. Нышанбай кызы, Т. Чоңатаев, И. Айталиев ж.б. бир топ айыл чарба ишмерлери райондук жана облустук деңгээлдеги сыйлыктарга ээ болушту.

Маарекенин расмий бөлүгү аяктаган соң улуттук спорт оюндарына кезек берилип, таш билек спортчулар арасында улак тартыш, эр оодарыш, улуттук күрөш боюнча мелдештер өтүп, жеңүүчүлөр баалуу сыйлыктарга ээ болушту. Мында өзгөчөлөнгөн нерсе, бул жолку маарекеде кыз-келиндер арасында эр оодарыш  болуп, төрт балбан кыз-келиндер ат үстүндө эркектерден кем калышпай билек кармашып, күч сынашып, элдин кыйкырык, сүрөөнүн жарата алышты.

Мындан сырткары, маарекеде райондогу дыйкан-фермерлер тарабынан өндүрүлгөн айыл чарба продукцияларынын жарманкеси болуп, анда ишкер дыйкан-фермерлер өздөрү өндүргөн ар түрдүү айыл чарба продукцияларын сатыкка чыгарышты.

Т. Алмарсбек кызы «Чаткал оттору»

9-Май Улуу Жеңиштин 70 жылдык маарекесине карата Чаткал райондук мамлекеттик администрация башчысы-аким Канжарбек Эшалиевдин куттуктоосу!

i

Урматтуу районубуздун калайык калкы!

Кадырлуу Улуу Ата Мекендик согуштун катышуучулары жана ооруктун каармандары болгон аталар жана энелер!

Сиздерди 9-Май Улуу Жеңиштин 70 жылдык маарекеси менен өзүмдүн жана райондук мамлекеттик администрациянын атынан чын дилимден куттуктайм!

Азыркы муундардын гүлдөп өнүккөн, илимий-техникалык прогресс заманында өмүр сүрүп жатышы-баатыр аталардын жана энелердин мындан жетимиш жыл мурда кан күйгөн согушта эл, жер үчүн жан аябай салгылашып, Улуу Жеңишти алып келген тоо көтөргүс эмгегинин акыбети деп эсептейбиз. Ардактуу баатыр аталар жана энелер, келечек муундар үчүн кезинде канын, жанын аябастан кармашып, керек болсо жанын берип, кан көксөгөн фашизмди жеңип, бизге жакшы заманды алып келген сиздерге кандай урмат көрсөтсөк да жарашат.

Биз, азыркы муундар, Улуу Ата Мекендик согуштагы сиздер тарткан кыйынчылыктарды, азап-тозокторду жана сиздер көрсөткөн каармандыктарды өз көзүбүз менен көрбөсөк да, бул тууралуу өз оозуңуздардан угуп, тарыхый адабияттардан окуп жана тарыхый документалдуу фильмдерден көрүп, билип жүрөбүз.

Улуу Ата Мекендик согуш тарыхта “Экинчи Дүйнөлүк согуш” деген аталыш менен белгилүү.  Архивдик маалыматтарга ылайык, бул согушта жыйырма миллиондон ашуун адам фашизмдин курмандыктарына айланышып, бир канча миң адам аликүнгө дайынсыз болуп келүүдө. Мындайча айтканда, мындан жетимиш жыл мурда болгон кан күйгөн согуштун жоготуулары азыркыга чейин толук тактала элек. Ошентсе да, азыркы кезде согуш жүргөн талаалар казылып, анда дайынсыз калган жоокерлердин сөөктөрү табылып, алардын өздүгү такталып, тарыхка тактоолор киргизилип жаткандыгын билебиз.

Кан күйгөн согушка эл, жерин канкор фашизмдин чеңгээлинен куткаруу үчүн биздин Чаткал районунан ондогон эр-азаматтар аттанышкан. Мында, жоокер аталарыбыздын көбү Мекенге Улуу Жеңиш менен келишсе, бир нечеси жоокер кан майданда баатырларча курман болушкан. Ал эми, алардын ичинен бир нечеси бүгүнкү күнгө чейин дайынсыз. Алардын дайынын тактап, тарыхка калтыруу келечек муундардын милдети деп эсептейм.

Кадырлуу баатыр аталар, энелер! Сиздерди дагы бир жолу Улуу Жеңиштин жетимишинчи жазы менен чын дилимден куттуктап, сиздерге мындан ары да узак өмүр, чың ден-соолук каалап кетмекчимин. Өзүңүздөр алып келген жакшы замандын шарапаты менен, уул-кызыңыздардын жакшылыгын көрүп, ылайым эл ичинде аман жүрүнүздөр.

К. Эшалиев, Чаткал райондук мамлекеттик администрация башчысы-аким

 

Ден соолук күнү белгиленди

санепид 1 санепид 3 санепид 2 санепид 4 санепид 5Жакында 7-апрель-Бүткүл дүйнөлүк ден соолук күнүнө карата райондук маданият үйүнүн чоң залында Чаткал райондук ооруларды алдына алуу жана мамлекеттик санитардык эпидемиологиялык көзөмөлдөө борборунун башкы дарыгери Акылбеков Гүлбарчын Токторумбетовнанын демилгеси менен “Тамак-аш азыктарынын коопсуздугу” деген темада тегерек стол өткөрүлдү. Тегерек столго райондун акими К. Эшалиев, айрым мекеме жетекчилери, айыл аймактарынын кызматкерлери, айыл башчылары, медицина жана ветеринария кызматкерлери, жергиликтүү кенештин депутаттары, мектеп директорлору, бала бакча башчылары, жеке ишкерлер катышышты. Тегерек столдун алгачкы сөзү райондун акими К. Эшалиевге берилип, ал өз сөзүндө бүгүнкү биз күнүмдүк жеп жаткан тамак-аштын айрымдарынын сапатсыз болуп жатканын белгилеп, алардын көпчүлүгү чет өлкөлөрдөн келип жаткан продуктыларда кездешип жатканын белгиледи. Ошондой эле сапатсыз тамак-аштардын келечек муундарга тийгизип жаткан таасирине тынчсызданып, шашке чай берилип жаткан мектеп окуучуларын тендерден утуп алып, азык-түлүк менен камсыз кылып жатышкан ишкерлерди алып келип берилип жаткан продуктылардын сапатына көңүл бурууларын тапшырды. Мындан тышкары ашканаларда тамак жасап сатып жатышкан ишкерлердин столдорунун, идиш-аяктарынын тазалыгы кардарларды канаттандырбай зээн кейитип жаткандыгын айтып, ар кандай жугуштуу ооруулардын чыгып кетпешин эскертти. Мындан тышкары медицина кызматкерлери бир гана ушул тегерек стол менен чектелбестен практика жүзүндө айтылгандарды аткарыш керектигин белгилеп, санитардык талапка жооп бербеген ашканаларды жабып салуу зарылчылыгын айтты. Андан кийин райондук оорууларды алдына алуу жана мамлекеттик санитардык эпидемиологиялык көзөмөлдөө борборунун башкы дарыгери Г. Акылбекова “туура тамактануу адамдын ден-соолугунун эң биринчи жолу” деди. -Оорулардын көбү жетишсиз тамактануудан пайда болот. Адам начар тамактангандыктан салмагы аз, сүйлөөсү жай, ой жүгүртүүсү начар жана узакка созулган инфекциялык ооруга алып келет. Туура тамактануу ар кандай ооруларга туруштук берүүгө жардам берет жана бейтаптын сакайып кетишине шарт түзөт. Жакшы тамактануу жана таза тамак менен азыктануу чың ден соолуктун эң мыкты кепилдиги. Эгерде сиз бир аз гана акчаңыз болсо жана балаңызды дени сак өстүргүңүз келсе, момпосуй менен таттуу суусундуктарды сатып бергендин ордуна эки даана жумуртка же бир ууч жаңгак сатып бериңиз. Эгерде ар бирибиз өзүбүздү туура тамактанууга, үйүбүздү, айылыбызды тазалыкка сактоого жана балдарды өз убагында эмдөөгө аракет кылсак жана тамак-аштын тазасын гана жесек, анда биз көптөгөн оорууларды болтурбай кое алабыз. Тамак-аш азыктарынын коопсуздугу үчүн мындан мурун тамак-аш азыктар үчүн ар бир жеке ишкерге сертификат берилсе, эми анын ордуна мындан ары техникалык регламент берилет же мурунку санитардык эрежелер жана нормалар үчүн азыр техникалык регламент кабыл алынган. Ошондой эле быйыл Чаткал району үчүн өзгөчө жыл болуп, райондун 80 жылдык мааракеси белгиленгени жатканда районго сырттан меймандардын келүүсү күтүлүп жаткандыктан башкы дарыгер Г. Акылбекова жеке ишкерлерди жеке ишкерлерди тамак-аш менен тейлөөдө тейлөө этикасы, ички-тышкы тазалыгы, ажатканаларды таза кармоого чакырды. Андан кийин райондук ОААжМСЭКБнүн кызматкери Н. Орозбаева эт азыктары жана алардан жугуучу ылаңдар боюнча маалымат берди. Андан кийин райондук ОААжМСЭКБнүн кызматкери Г. Акылбекова сүт жана сүт азыктарынан адамга жугуучу ооруларга токтолду. Ал сүт жана сүт азыктарынын алынган тамак-аштын адамдын организмине пайдасы жана андан жуктуруп алуучу жугуштуу оорулар туурасында айтып, бүгүнкү күндө адамдарда көп кездешип жаткан брусселез оорусун жуктуруунун негизги булагы сүттө болуп жатканын айтып берди. Тегерек столдун катышуучуларына райондук ОААжМСЭКБнүн кызматкери А. Тойчубеков ботулизм боюнча түшүндүрмө берди. Ботулизм-тамак-аштан уулануучу курч мүнөздөгү оору. Негизинен борбордук нерв жана вегетативдик нерв системалары жабыркайт. Ботулизмдин козгогучу өтө кыймылдуу, грамотрицателдик таякча. Катуу анаэроб болгондуктан жаратылышта көп кездешет. Андан сактануу үчүн тамак-аштын мөөнөтүнө жана талапка ылайык сакталышына көңүл буруу керек. Айрыкча үй шартында консерваларды даярдоо жолдорун билүү зарыл. Ал эми райондук мамлекеттик ветборбордун кызматкери М. Мырзабаев малдан адамга жуккан ооруларга токтолуп, адам ашканалардан тамактанып жатканда эт таза болду бекен деп ойлонуш керек деди. Анткени эттен, ичеги карындардан көп оорулар жугат. Ошондуктан малдын ээси өзү ветеринардык дарыгерлерге кайрылып, колундагы малдарын убагы менен эмдөөлөрдөн өткөрүп турууга милдеттүү экендигин айтты. Ошондой эле медицина кызматкери Ж. Нарымбетова адамдын организмине зыян алып келип жаткан өнөкөт болгон насвай жана тамекинин зыяндуулугу жана алардын жасалуу жолдору боюнча видео тасма көрсөтүп, кеңири түшүндүрмө берди. Тегерек столдун катышуучулары тийиштүү адистерге камтылган теманын тегерегинде суроолорду беришип, тийиштүү жоопторду алышты. Тегерек стол Бүткүл дүйнөлүк ден-соолук күнүнө арналып өткөрүлүп жаткандыгына байланыштуу катышуучуларга кофе брейк берилип, концерттик программа тартууланды.

Б. Дилдебаев “Чаткал оттору”