Архив метки: кыргыз тили

Залкар жазуучунун 90 жылдык маарекесине карата

Кыргыз элинин залкар жазуучусу Чыңгыз Айтматовдун 90 жылдык маарекесине карата  районубуздагы мектептерде жазуучунун чыгармачылыгына арналган адабий кечелер жана ачык сааттар өтүүдө. Мындан иш чаралардын бири жакында Башкы-Терек орто мектебинде болду.
Тактап айтканда, аталган мектептин кыргыз тили жана адабияты мугалими Гүлнара Абдыкеримова 11-класстын окуучулары үчүн залкар жазуучунун чыгармачылыгына арналган «Адабият-турмуш күзгүсү» аттуу ачык сабак өттү.  Сабактын жүрүшүндө жазуучунун каармандарынын ролдорун аткарган окуучулар монологдорду айтышып, бири-бирине суроолорду беришип, өз түшүнүктөрүн бышыкташты. DSC_0349 DSC_0351DSC_0387 DSC_0379
DSC_0368DSC_0360Буга кошо эле, окуучулар тарабынан жазуучунун чыгармаларына арналган обондуу ырлар да ырдалып, көркөм окуулар аткарылды.
Ачык сабактын соңунда сабактын жүрүшүнө баа берип олтурган мугалимдер тобу тарабынан жыйынтык чыгарылып,  ачык сабакка «эң жакшы» деген баа берилди.
-Заманыбыздын залкар жазуучусу Чыңгыз Айтматовдун чыгармачылыгын балдарга терендетип окутууда ачык сабактардын ролу чоң. Кыргыз тили жана адабияты мугалими Гүлнара Абдыкеримова тарабынан өткөрүлгөн бүгүнкү ачык сабак абдан жеткиликтүү болуп, окуучуларга жакшы таасир калтырды деп эсептейм-деди  болуп өткөн ачык сабакка баа берген мугалимдер тобунун жетекчиси,  мектептин окуу бөлүмүнүн башчысы Абдыманап Качикеев.
Ал эми,  залкар жазуучу Чыңгыз Айтматовдун чыгармаларында камтылган улуу ойлорду окуучуларга толук жеткирүүдө ачык сабак менен гана чектелүү жетишсиз экендигин айткан кыргыз тили жана адабияты мугалими Гүлнара Абдыкеримова- Өзүм демилгелеп, Улуу жазуучунун чыгармаларына арналган сүрөт коргөзмөсүн уюштурдук. Бул эми албетте, окуучулар сүрөттөр аркылуу да улуу жазуучунун философиялык терең чыгармаларын тушүнүшсө деген максат-дейт.

М. Эшназаров