Архив метки: Канжарбек Эшалиев

Эгемендүүлүктүн 25 жылдыгы салтанаттуу белгиленди

Районубузда 31-август-Кыргыз Республикасынын Эгемендүүлугүнүн 25 жылдык маарекеси чоң салтанат менен белгиленди.

Бул күнү район борбору Каныш-Кыя айылында чоң салтанат уюштурулду.

Салтанатта алгач,  район акими Канжарбек Эшалиев, райондук суу чарба башкармалыгынын башчысы Мамарасул Суранов, Каныш-Кыя айыл аймагынын жооптуу катчысы Гүнөтай Ибраевалар баштаган райондук жетекчилер куттуктоо сөздөрүн сүйлөшүп, туруктуулук бар жерде албетте, өнүгүү болоорун, жаш мамлекетибиздеги туруктуулукту, элибиздин сабырдуулугун бузууга өткөн 25 жыл аралыгында канчалаган сырткы жана ички терс күчтөр аракеттенип келишкендиги жана азыркы күндө да аракеттенип жаткандыгы жашыруун эместигин жана аларды жузүнөн таанып, билип, республиканын жетекчилигине ишеним артуу менен, алдыга оптимисттик көз карашта караган калкыбыз мамлекетибиздин туруктуулугун сактап, Борбор Азия аймагындагы “демократиялык аралча” деген дүйнөлүк баага татып, өнүгүп келе жаткан мамлекеттердин арасынан өз ордун таба алгандыгын бир ооздон белгилешти.

IMG_8192

Андан соң, сыйлык тапшыруу аземине кезек берилип мында, райондун социалдык-экономикалык өнүгүүсүнө көрүнүктүү салымдарын кошкон Нарбү Мамбетовага жана Ырысбек Орозалиевге “Чаткал районунун IMG_20160831_104922 IMG_20160831_104700 IMG_20160831_104555 IMG_20160831_103158 IMG_20160831_103243 IMG_20160831_103718 IMG_20160831_103739 IMG_20160831_110941 IMG_8242 IMG_8215Ардактуу атуулу” жогорку наамдары тапшырылды.

Мындан сырткары, жыйыра беш көп балалуу энеге “Баатыр Эне” ал эми, беш көп балалуу энеге “Эне Даңкы” төш белгилери салтанаттуу түрдө  тапшырылды.

Буга кошо эле, бир нече мекеме, ишканалардын кызматкерлери райондук жана облустук “Ардак Грамоталарга” ээ болушту.

Сыйлык тапшыруу аземинен соң, театрлаштырылган оюнга кезек берилип, Ч. Айтматов атындагы райондук маданият үйүнүн кызматкерлери тарабынан даярдалган, Кыргыз мамлекетинин башынан өткөргөн карт тарыхын чагылдырган театрлаштырылган оюн көрүүчүлөргө тартууланды. Тагыраак айтканда, театрлаштырылган көрүнүш аркылуу каардуу Үркүн окуясынан баштап, Кыргыз мамлекетинин түптөлүү мезгили, каардуу согуш жылдары, андан кийинки Совет мезгили чагылдырылып, көрүүчүлөргө зор таасир калтырды.

Театрлаштырылган оюндан соң, спорттук оюндарга кезек берилип, кап урушмай, улуттук күрөш сыяктуу кызыктуу спорттук оюндар болуп, катышуучулар акчалай байгелерге ээ болушту.

IMG_8221 IMG_8242 IMG_8239

Ал эми, эс алуу паркынын ичине Каныш-Кыя айыл аймагы тарабынан тигилген жасалгалуу боз үйлөрдө сыйлуу конокторго сый тамак берилди.

Мындан сырткары, жергиликтүү соодагерлер тарабынан жайылган жарманкеде эл керектөөчү ар кандай буюмдар сатылып, майрамдык салтанатка өзүнчө көрк кошо алды.

Бул күнү райондук төрт айыл аймагында да майрамдык салтанаттуу маарекелер өткөрүлүп, элге майрамдык маанай тартууланды.

М. Эшназаров

Малчылардын майрамы татыктуу белгиленди

Өткөн жуманын ишембисинде Чаткал районунун жайыттарын пайдаланышкан чаткалдык жана таластык малчылардын биргелешкен майрамы болду.IMG_20160723_115928 IMG_20160723_094027 IMG_20160723_120020 IMG_20160723_120715 IMG_20160723_122443 IMG_20160723_121431 IMG_20160723_122537 IMG_20160723_122957 IMG_20160723_124107 IMG_20160723_123823 IMG_20160723_131108 IMG_20160723_130611 IMG_20160723_122136 IMG_20160723_133948 IMG_20160723_145131

Майрамдык маарекеге КР. Өкмөтүнүн Талас облусундагы ыйгарым укуктуу өкүлү Дайыр Кенекеев баштаган облустук, райондук жетекчилер тобу жана Чаткал районунун акими Канжарбек Эшалиев баштаган райондук жетекчилик, Кыргыз Республикасынын Орусия Федерациясынын Ыраакы Чыгыш округундагы консулу Кадырбек Мырзабаев катышты.

Маарекенин жүрүшүндө бир топ таластык жана чаткалдык мал чарба кызматкерлери, дыйкан— фермерлери «Ардак Грамоталар » жана баалуу белектер менен сыйланышты.

Буга кошо эле, аркан тартыш, эр оодарыш жана улуттук күрөш боюнча мелдештер болуп, жеңүүчүлөр акчалай байгелерге ээ болушту.

Маарекени Ч. Айтматов атындагы райондук маданият үйүнүн кызматкерлери ыр— күү менен шаңга бөлөштү.

Жыл сайын кезек менен өтчү бул маарекенин каржылык жана уюштуруу жагы быйыл Чаткал району тарабынан камсыздалды.

Белгилей кетсек, быйыл Чаткал жайыттарында Талас облусунан келген 86 короо кой, 4149 баш кара мал жана 2381 баш жылкы багылууда.

М. Эшназаров

АРИС; Долбоорлор коомчулукка сунушталууда

Өткөн жуманын соңунда раймамадминистрацияда  АРИСтин ПРЖР долбоорунун координатору Алмазбек Акматалиев, ПУХПЖ долбоорунун координатору Майрамбек Баялиев, социалдык мобилизациялоо боюнча адиси Мирбек Досуев, долбоордун облустук координатору Сапарбек Токоев, район акими Канжарбек Эшалиев жана район тургундарынын катышуусунда тегерек стол өткөрүлдү. IMG_20160714_143652 IMG_20160714_143705 IMG_20160714_143728

Тегерек столдо алгач, координатор Алмазбек Акматалиев АРИСтин приоритеттүү багыттары менен катышуучуларды кеңири тааныштырып, буга чейинки долбоор тарабынан республикада, анын ичинен Чаткал районунда бир топ иштер аткарылып, райондун айыл чарбасынын өнүгүүсүнө бир топ салымдар кошуп келгенин фактылар менен келтирип, бул жолку долбоорлор айыл чарбасынын, мал чарбасынын жана жайыттардын шарттарын оңдоо багытында ишке ашырылаарын маалымдады.

Тегерек столдо АРИСтен республика боюнча эң көп өлчөмдөгү каражат Каныш— Кыя айыл аймагына бөлүнүп жаткандыгы маалым болду себеби, аталган айыл аймагы долбоор тарабынан коюлган көп талаптарга жооп бергендиги менен артыкчылыкка ээ болуп натыйжада, айыл аймакка эки жүз элүү миң доллар акча каражаты берилиши күтүлүүдө.

Тегерек столдун жүрүшүндө, катышуучулар долбоордун кызматкерлерине суроолорду беришти. Аларга өз кезегинде тийиштүү жооптор алынды.

Район акими Канжарбек Эшалиев айыл аймак башчыларын жана катышуучуларды долбоорго жигердүү катышып, райондун социалдык— экономикалык маселелерин чечүүдө четте турбай, активдүү болууга чакырды.IMG-20160719-WA0007

Тегерек столдун соңунда, долбоордун Чаткал району боюнча эксперти болуп жаңыдан дайындалган Майсалбек Молдалиев катышуучуларга тааныштырылды.

М. Эшназаров

 

Өнүктүрүү фондундагы каражаттар максаттуу пайдаланууга тийиш

IMG_5841 IMG_5844

Жакында Чаткал районунун өнүктүрүү фондунун байкоочу кеңешинин отуруму болду. Отурумда райондун акими, райондогу өнүктүрүү фондунун администратору К. Эшалиев байкоочу кеңештин мүчөлөрүнө райондогу өнүктүрүү фондунун адилет башкармалыгынан каттоодон өтүп, күбөлүк жана штамп, мөөрүн алгандыгын маалымдады.

Бул отурумунда фонддун байкоочу кеңешинин төрагалыгына  Каныш-Кыя айылдык кеңешинин депутаты Э. Кошбаевди шайлашты. Ошондой эле, фонддун директорунун милдетин аткаруучуну, бухгалтерин жана операторун шайлашты. Ал эми фонд бюджеттик жана атайын каражаттар болуп эки эсеп менен иш жүргүзгөндүктөн, фонддо иштеген үч адамдын эмгек акылары КР. Финансы министрлиги менен такташкандан  кийин 2016-жылга сметасы менен кошо бекитип берүүнү кийинки отурумга калтырышты.

Чаткал районунун өнүктүрүү фондунда байкоочу кеңештен тышкары эмгек акы төлөнбөгөн курамы 7 адамдан турган башкармалыгы да болот. Ага тийиштүү адамдарды тандап алуу үчүн массалык маалымат каражатына конкурс жарыяланды.

Райондун акими, фонддун администратору К. Эшалиев байкоочу кеңешти ар бир жумшалып жаткан каражатты максаттуу пайдаланып, ачык-айкындуулук болушуна чакырды.

Б. Дилдебаев

Чаткал жолугушуусу-2016: Алдыңкы студенттерге стипендиялар тапшырылды

«Жаркын келечекке багыт» коомдук жаштар бирикмеси Чаткал райондук мамлекеттик администрациясы менен биргеликте Чаткал районунан чыккан мыкты студенттерге стипендия берүү конкурсттук программасын иштеп чыкан.  Бул конкурстун программасы социалдык тармактар жана райондук мамлекеттик администрациясынын “chatkal.kg”   расмий сайтты тарабынан коомчулукка жарыяланган эле.  Ушул жылдын 27-февралү күнү  Бишкек шаарында Чаткал жаштар жолугушуу кечеси уюштурулуп,  «Жаркын келечекке багыт» коомдук жаштар бирикмеси Чаткал райондук мамлекеттик администрациясы менен биргеликте Чаткал районунан чыккан мыкты студенттерге стипендия берүү  салтанаты болду.Анда, Кыргыз Республикасынын Президентинин стипендиясынын ээси, Кыргыз Республикасынын эмгек миграция жана жаштар министрлигинин “Ардак громатасы” татыктуу болгон,   Спорт тармагында Республикалык мелдештерде стол тенниси боюнча   1-орунду багындыргандыгы,  окуу жайдын “Жылдын мыкты студенти”,  Чаткал районунун Сумсар айылынын тургуну, И. Арабаев атындагы Кыргыз мамлекеттик университетнин 4 курсунун студентти Мирзаим кызы Улара 4000 сом, коомдук маданий иштерге жигердүү катышкандыгы, ыр-бий өнөрүн мыкты аткаргандыгы, комуз ойноо жана манас айтуудагы мыкты чеберчиликтери жана университетин громата, сертификаттарынын ээлси Кыргыз-Түрк Манас  университетинин 4курсунун студенти Чаткал районунун Айгыр-Жал айылынын тургуну Турганбаева Асел Манасбековна 2000сом , ушул эле номинация менен  Инновациялык технологиялар жана Экономика коледжинин 3курсунун студенти Чаткал районунун  Жаңы-Базар  айылынын  Кадырбек кызы Айзада 2000 сом, окуудагы мыкты жетишкендиктер үчүн Кыргыз мамлекеттик медициналык академиясынын ректорунун стипендиясынын ээси,  аталган окуу жайдын 5-курсунун студенти, Чаткал районун Жаны-Базар айылынын тургуну Турабеков Залкарбек Турабекович  4000 сом, коомдук иштердеги жигердүүлүгү  менен айырмаланган, аталган окуу жайдын дагы бир курсунун студенти, Чаткал районун Айгыр-Жал айылынын тургуну Алмазбек кызы Мираида  4000 сом, Махмуд Кашкари- Барскани атындагы чыгыш университетинин студенттик кеңешинин мүчөсү, “Кыргызстан жаш лидерлер” коомдук мектебинин бүтүрүүчүсү,  жогоруда аталган университеттин 2-курсунун студенти Жуманазаров Аскар Жуманазарович 4000 сом акчалай сыйлыктар менен сыйланышып, Чаткал райондук мамлекеттик администрациясынын атайын  номинацияларын жана сыйлыктарды Чаткал райондук мамлекеттик администрация башчысы-аким Канжарбек Эшалиев тапшырды.

IMG_7884 IMG_7886 IMG_7888 IMG_7889 IMG_7895IMG_7896IMG_7891   IMG_7897 IMG_7905 IMG_7908 (2) IMG_7910 IMG_8058 Ал эми, «Жаркын келечекке багыт» коомдук жаштар бирикмесинин активдүү мүчөлөрүн жаштар саясатын жүзөгө ашырууда кичи мекенине кошкон салымы үчүн  Кыргыз мамлекеттик юридикалык академиясынын студенти Атантай уулу Жоодарбек, Кыргыз мамлекеттик юридикалык академиясынын студенти Жунусбек уулу Шумкар,  Бишкек Гуманитардык университетинин студенти Анарбекова Раиса Жаныбековна,           Ж. Баласагын атындагы Кыргыз Улуттук Университетинин студенти Азимкул уулу Искак, Ж. Баласагын атындагы Кыргыз Улуттук Университети студенти Нармырзаева Таттыбүбү  Асановна, Туризм академиясынын студенти Бейшенова Айгерим Нарбаевна, И.Раззаков атындагы Кыргыз мамлекеттик техникалык университетинин студенти Абдиев Жаныш Мирзалимович            , Кыргыз-Түрк Манас университетинин студенти Нармырзаев Илясбек Мансурханович, Бишкек гуманитардык университетинин ректорунун жардамчысы,     «Жаркын келечекке багыт» коомдук жаштар бирикмесинин негиздөөчүсү Кудайкулов Айбек Обгановичке        Чаткал райондук мамлекеттик администрациясынын башчысы, аким Канжарбек Эшалиев тарабынан “Ардак грамоталар” жана райондук деңгээлдеги сыйлыктар тапшырылды.
Мында айта кетсек, алдыңкы 6 студентке 4000 сомдон жалпы 20000 сом раймамадминистрация тарабынан, алдыңкы 3 студентке 1000 сомдон 3000 сом Чаткал айыл аймагы тарабынан берилди.

Бишкек Гуманитардык университетинин ректорунун жардамчысы,  «Жаркын келечекке багыт» коомдук жаштар бирикмесинин негиздөөчүсү Айбек Кудайкулов жогорудагы маанилүү иш чара тууралуу өз пикирин төмөндөгүдөй билдирди:

-Бүгүнкү иш-чарабыздын негизги максаты кичи мекенибиздин уясынан учуп чыгып, өлкөбүздүн ар кайсы аймактарында эмгектенип, изденип окуп, билим алып жаткан  жаштарыбызды бири-бири менен  жакындан тааныштыруу.  Мекенге болгон атуулдук сүйүүнү бекемдөө, өз-ара ой бөлүшүп, пикир алышууга чакыруу болуп саналат.

2014-2015-жылдары Чаткал райондук мамлекеттик админстрациясынын жана анын башчысы-аким Канжарбек Жаныбековичтин материалдык жактан көмөк көрсөтүүсү менен 12 мектептен бирден алдынкы  көрсөткүчтөргө жетишкен окуучуларды Бишкек, Ош шаарларындагы жогорку окуу жайлар, маданий, тарыхый  борборлор менен  тааныштыруу,  Кыргыз Республикасынын Жогорку Кеңешинин депутаттары менен жолугуштуруу иш- чаралары жүзөгө ашырылды.

Бишкек шаарында билим алып жатышкан студенттер арасында бир кыйла иш чаралар уюштурулуп, районубузга кандай кызмат кылабыз?  деген теманын алкагында ар жыл сайын:   “Мыкты долбоор мыкты баскыч”,  “Миң кадам бир кадамдан башталат”, — деген сыяктуу  маселелердин алкагында жигердүү жаштардын жолугушуулары үзгүлтүксүз өткөрүлөп келүүдө. Райондук деңгээле мектеп окуучулары арасында кызыктуу дебаттар  уюштурулуп, алар менен студенттердин ортосунда өз ара алака байланыш түзүлүүдө.   Өткөн жылдын май айында элибиздин талантуу уулу Таалай Бектургановду эскерүү кечеси уюштурулуп,  буга районубуздун тургундары жана сиздер өзүңүздөр буга күбө болдуңуздар. Мындан сырткары борбор калаабыздагы жаштардын жайкы жана кышкы жаратылышка чыгып, эс алуу иш- чаралары ийгиликтүү өткөрүлүп келатат.

Учурдан пайдаланып, жаштардын бүгүнкү жолугушуу кечесине  атайы келип  катышып,  биздин коомдук бирикмебиз менен студенттерге материалдык жана моралдык колдоо көрсөткөн Чаткал райондук мамлекеттик админстрация башчысы-аким Канжарбек Жаныбековичке өзгөчө  ыраазычылык билдирип кетмекчибиз.

Мектеп окуучуларынын экскурсия жасоодогу иштерине,  алардын тамактануусуна көмөктөшүп, ар дайым колдоп келе жаткан,  жердеш улуу агаларыбыз Биймырза Токтораливге,  Базарбай Мусабековга, Райимжан  Усупбековго, Атантай Акбаровго, Жайлообай Нышановго, Шайлыбай Дадабаевге,  Болот Алибековго,  Акматбек Таласбаевге, Роман Усупбековго,  Жээналы Орозбаевге, Абдыкайым Оморовго, Дүйшөн Стамбековго, Асылбек Орозовго, Субан Ашировго, Бактыбек Баймырзаевге, Абдыжапар Нурдиновго, Идирис Кубатбековго өзгөчө  ыраазычылык билдирип кетмекчибиз. –

Кошумчалай кетсек, аталган жолугушуу белгилүү алып баруучу Чыңгыз Мырзаев, белгилүү эстрада жылдызы Дилшат Кангелдиевалардын катышуусунда өтүп, жогорку деңгээлде уюштурулду.
М. Эшназаров

Көрктөндүрүү-жашылдандыруунун үч айлыгынын алкагында

ipp ipp ipp

Быйыл районубузда көрктөндүрүү-жашылдандыруунун үч айлыгынын алкагында бир топ иш чаралар камтылганы белгилүү болду. Булардын айрымдарын атай кетсек, мындан эки жыл мурда башталган ийне жалбырактуу дарактардын көчөттөрүн отургузуу иштери быйыл да улантылат. Быйылкы өзгөчөлүктү айта кетсек-башка ийне жалбырактуу дарактардын көчөттөрү менен бирге эле, жаратылыштын катаал шарттарына чыдамдуу хайленд дарагынын көчөттөрүн алып келип отургузуу максат кылынууда.

Жакында, раймамадминистрацияда болуп өткөн жыйында бул тууралуу айткан район акими Канжарбек Эшалиев Каныш-Кыя айыл аймагынын башчысы Сатаркул Мусабаевге хайленд дарагынын көчөттөрүн районго алып келип, көчө бойлоруна эктирүү боюнча сунушун айтты. Ал буга кошо эле, Жаңы-Базар айылындагы Ыдырыс пайгамбардын кадамжайынын алды жагындагы капталына ийне жалбырактуу көчөттөрдөн отургузуп, ал жерди токойлуу аянтчага айлантуу максат кылынып жаткандыгын билдирди жана мекеме, ишканалардын жетекчилерин жана айыл аймак башчыларын көрктөндүрүү-жашылдандыруу иштерине тиешелүү тапшырмаларды берди.

М. Эшназаров

Көрнөк, жарнактарды илүү боюнча тапшырма берилди

IMG_4342 IMG_4349

Быйылкы 2016-жыл мамлекетибизде тарых жана маданият жылы деп белгиленген учурдан бери, район аймагында буга байланыштуу ар кандай иш чаралар өткөрүлүүдө. Буга улай, жакында раймамадминистрацияда болуп өткөн жыйында район акими Канжарбек Эшалиев райондук мекеме, ишканалардын жетекчилерине тарых жана маданият жылына карата өлкөнүн тарыхын жана маданиятын чагылдырган көрнөк, жарнактарды ылайыктуу жерлерге илдирүү боюнча тапшырма берди. Эми, өткөн жылдагы шайлоодон кийин бошой түшкөн көрнөк такталары кооз көрнөктөр меенен кайрадан көркүнө чыкмакчы.

М. Эшназаров

Элдик жыйындар өткөрүлдү

элдик жыйынIMG_5726

элдик жыйынIMG_5770 элдик жыйынIMG_5763 элдик жыйынIMG_5762 элдик жыйынIMG_5752 элдик жыйынIMG_5749 элдик жыйынIMG_5739

Өтүп бараткан жумада райондук мамлекеттик администрация башчысы-аким Канжарбек Эшалиев баштаган райондук мекеме, ишканалардын жетекчилеринин тобу райондун Коргон-Сай, Башкы-Терек жана Чакмак-Суу айылдарында элдик жыйындарды өткөрдү.

Элдик жыйындарда негизинен, жазгы талаа жумуштарына карата үрөндөрдүн жетишпестиги, электр энергиясы, соцобъекттер, унаа жолдорунун абалы, фирмалардагы жергиликтүү тургундарды жумушка кабыл алуу жана социалдык төлөмдөргө тиешелүү маселелер калк тарабынан айтылып, тиешелүү жетекчилер жоопторду беришти. Мында, айыл тургундары райондук ДЭП-27 жол тейлөө ишканасынын ишине нааразылыктар айтылды.

Элдик жыйындардын жүрүшүндө, Каныш-Кыя айыл аймагынын башчысы Сатаркул Мусабаев Чаткал районунун 80 жылдык маарекесин өткөрүүгө салым кошкон инсандарга ыраазылык каттарын тапшырды.

Ал эми, район акими Канжарбек Эшалиев быйыл райондун социалдык-экономикалык иш пландарына көптөгөн иш чаралар киргендигин, быйылкы жылга карата кен тармагынан  районго чоң суммадагы каражаттар түшүп жаткандыгын белгилеп, район калкы ынтымакта иш алып барса, алдыда көп иш бүтөөрүн айтты.

М. Эшназаров

Чаткалдык алдыңкы студенттерге-стипендия!

12746042_466257506910246_1026094188_nIMG_3787 (2)

«Жаркын келечекке багыт» коомдук жаштар бирикмеси Чаткал райондук мамлекеттик администрациясы менен биргеликте Чаткал районунан чыккан мыкты студенттерге стипендия берүү программасын иштеп чыкты. Чаткал райондук мамлекеттик администрациясынын башчысы, аким Канжарбек Эшалиевдин стипендиясын алууну каалагандар болсо төмөндө көрсөтүлгөн анкеталарды толтуруп бизге жибериниздер. стипендия конкурсуна катышуу жол жоболору төмөндө көрсөтүлгөн. кошумча маалымат алуу үчүн номерлер: 0770190134(Whatsapp),0557155099. Ильясбек. 0773225202 Жаныш. 0777674781 Аскар. 0770197723 Шумкар

Элдик жыйындар өтүүдө

 

26-январь күнү Чаткал райондук мамлекеттик администрация башчысы-аким Канжарбек Эшалиев баштаган райондогу мекеме, ишканалардын жетекчилеринин тобу Чаткал айыл аймагынын Жаңы-Базар, Курулуш жана Ак-Таш айылдарында болуп, элдик жыйын өткөрүштү.акташ сходIMG_20160126_102426акташ соцфондIMG_20160126_104432

Элдик жыйын алгач Ак-Таш айылында болду. Жыйында негизинен, айыл тургундары соцфонд төлөмдөрүнүн жогорулагандыгына нааразылыгын билдиришип, райондук соцфонд башкармалыгынын башчысы Адылбек Эшикуловго бир топ суроолорду беришти. Өз кезегинде Адылбек Эшикулов суроолорго жооп берип, соцфонд төлөмдөрү боюнча мыйзам КР. ЖК тарабынан колдоо таап, КР. Президенти тарабынан кабыл алынгандыгын ал эми, райондук соцфонд аткаруучу гана орган экендигин, райондук соцфонддон эч нерсе чечилбесин билдирип, соцфонд төлөмдөрү тийиштүү жогорку органдар тарабынан кайрадан каралып жаткандыгын, ага карата райондон сунуштар жиберилгендигин маалымдады.курулуш сходIMG_20160126_141040

Элдик жыйында мындан сырткары, айылга «Тез жардам» автоунаасы керек экендигин айтышты. Аким К. Эшалиев райондук борборлоштурулган ооруканадагы бир «Тез жардам» автоунаасын айылга бөлдүрүп берээрин билдирди.

Айыл тургундары айылда электр энергиясынын ашыкча чыңалуусунан улам жарык тез-тез өчүп калып жаткандыгын билдиришти. Бул маселе боюнча жооп берген РЭС башчысы Кылыч Жарашов айылдагы чегара заставасына жакында орнотулган трансформаторго айылдагы үйлөрдү бөлүп, чыңалууну калыбына келтирип берээрин айтты.

Элдик жыйындын жүрүшүндө мындан сырткары салык, саламаттыкты сактоо жаатында да бир топ суроолор берилип, тиешелүү жооптор алынды.

Аким К. Эшалиев Чаткал районунун 80 жылдык маарекесин өткөрүүгө жигердүү салым кошкон айыл тургундарына ыраазылыгын билдирди.

Элдик жыйын андан ары Курулуш айылында улантылып, мында райондук ветборбордун башчысы Жунусбек Жолдошев малды дарылоо иштери февраль айында башталаарын, бүгүнкү күнгө кутурма оорусуна каршы беш миң вакцина келгендигин билдирди. Ал өткөн жылы республика боюнча ветеринария иштерине 60 млн. бөлүнсө, быйыл бул сумма эки эсе көбөйтүлүп, 130 млн. сом бөлүнүп жаткандыгын маалымдады. курулуш сходIMG_20160126_140407курулуш сходIMG_20160126_140248

Курулуш айылынын суу жээктерин өзөн суусу жеп, айрым үйлөргө жакындап жаткандыгы, айылдагы С. Мырзалиев орто мектебинин курулуш сходIMG_20160126_140320имаратынын эскирип бараткандыгы, айылдагы ФАПты ылайыктуу имаратка көчүрүү тууралуу көйгөйлөр айтылып, аким К. Эшалиев бул маселелер боюнча тийиштүү чараларды көрүүнү  КР.ӨКМнин райондогу өкүлү А. Сулаймановго жана райондук борборлоштурулган оорукананын башкы дарыгеринин орун басары Б. Баймырзаевге тапшырды.

Жаңы-Базар айылындагы болгон элдик жыйында да жогорудагыдай маселелер көтөрүлүп, айтылган маселелер боюнча тийиштүү жетекчилер жооп беришти. Мындагы элдик жыйында айыл тургуну А. Абдылдаев өткөн жылдары Чаткал айыл аймагы тарабынан аткарылган Жаңы-Базар айылына таза суу чыгаруу, жаныбазар сходIMG_1697көчө чырактарын орнотуу, Ак-Булак каналын ишке киргизүү жумуштарына байланыштуу сын пикирин билдирди.  Бул маселелер боюнча Чаткал айыл аймагынын башчысы Нурланбек Мырзаяров жооп берип, аталган маселелер боюнча жогорку тийиштүү органдар тарабынан ондон ашуун текшерүүлөр келип, эч бир кемчилик табылбагандыгын, эгер кемчиликтер табылган болсо, эбак мыйзам боюнча чаралар көрүлмөк экендигин айтты жана таза суу чыгаруу жана көчө чырактарын орнотуу иштерине айыл аймактын бюджетинен бир тыйын коротулбай жалаң инвестиция тартуу менен бүткөрүлгөндүгүн кошумчалады. Ал эми, райондук суу чарба башкармалыгынын башчысы М. Суранов Ак-Булак каналы боюнча эч кандай мыйзам бузуулар болбогондугун билдирип, далил катары тиешелүү кагаздарын көрсөттү. Айыл тургуну А. Осмонкулов жогорудагыдай сын, пикирлер аркылуу элди экиге бөлүү аракетин токтотуп, учурда район жетекчилигинде жигердүү иштеп жаткан жергиликтүү жаштарды колдоп алууга чакырды.жаныбазар сходIMG_1707

Элдик жыйын жүрүшүндө район акими К. Эшалиев быйыл кен ишканаларынан түшкөн 2 пайыздык кирешенин эсебинен Чаткал айыл аймагына бир даана трактор жана чөп таңгактоочу алуу,  Курулуш жана Жаңы-Базар айылдарына бир чакырымдан жалпы эки чакырым унаа жолун асфальттоо, Ыдырыс пайгамбардын кадамжайынын шартын оңдоо сыяктуу бир топ алгылыктуу иштер  максатталып жаткандыгын маалымдады. IMG_20160126_170210

Жыйын соңунда айыл тургундары өткөн жылдын жыйынтыгы менен «Кыргыз Туусу», «Акыйкат», «Аймак», «Жаңы Ордо» сыяктуу жаныбазар сходIMG_1723республикалык абройлуу басылмалар тарабынан Чаткал району республикадагы алдыңкы райондордун бири катары белгиленгендигин,  аны менен бирге эле район акими Канжарбек Эшалиев аталган басылмалар тарабынан «Жылдын мыкты акими» деп табылгандыгын белгилешип, Канжарбек Эшалиевге ак калпак жана кыргыз чепкенин кийгизишип, мындан аркы иштерине ийгиликтерди каалашты.

М. Эшназаров