Архив метки: Кадырбек Мырзабаев

Малчылардын майрамы татыктуу белгиленди

Өткөн жуманын ишембисинде Чаткал районунун жайыттарын пайдаланышкан чаткалдык жана таластык малчылардын биргелешкен майрамы болду.IMG_20160723_115928 IMG_20160723_094027 IMG_20160723_120020 IMG_20160723_120715 IMG_20160723_122443 IMG_20160723_121431 IMG_20160723_122537 IMG_20160723_122957 IMG_20160723_124107 IMG_20160723_123823 IMG_20160723_131108 IMG_20160723_130611 IMG_20160723_122136 IMG_20160723_133948 IMG_20160723_145131

Майрамдык маарекеге КР. Өкмөтүнүн Талас облусундагы ыйгарым укуктуу өкүлү Дайыр Кенекеев баштаган облустук, райондук жетекчилер тобу жана Чаткал районунун акими Канжарбек Эшалиев баштаган райондук жетекчилик, Кыргыз Республикасынын Орусия Федерациясынын Ыраакы Чыгыш округундагы консулу Кадырбек Мырзабаев катышты.

Маарекенин жүрүшүндө бир топ таластык жана чаткалдык мал чарба кызматкерлери, дыйкан— фермерлери «Ардак Грамоталар » жана баалуу белектер менен сыйланышты.

Буга кошо эле, аркан тартыш, эр оодарыш жана улуттук күрөш боюнча мелдештер болуп, жеңүүчүлөр акчалай байгелерге ээ болушту.

Маарекени Ч. Айтматов атындагы райондук маданият үйүнүн кызматкерлери ыр— күү менен шаңга бөлөштү.

Жыл сайын кезек менен өтчү бул маарекенин каржылык жана уюштуруу жагы быйыл Чаткал району тарабынан камсыздалды.

Белгилей кетсек, быйыл Чаткал жайыттарында Талас облусунан келген 86 короо кой, 4149 баш кара мал жана 2381 баш жылкы багылууда.

М. Эшназаров

Согуштун ардагерине көрсөткөн сый белеги үчүн ыраазылык

9,13 9,14

Бүгүн, Чаткал районунда өткөн 9-Май Улуу Жеңиштин 70 жылдык маарекесинде райондогу азыркы кездеги жалгыз согуштун ардагери Таласбаев Көчөрбайга Чаткалдын кулуну,  Орусиянын Хабаровск аймагындагы Кыргызстандын ардактуу консулу Кадырбек Мырзабаев өз каражатынын эсебинен «Хонда Фит» автоунаасын белекке берди. Аталган автоунаа ардагерге район акими Канжарбек Эшалиев тарабынан салтанаттуу түрдө тапшырылды.

Район калкы, ошону менен бирге райондук жетекчилик Кадырбек Мырзабаевге согуш ардагери Таласбаев Көчөрбайга сый-урмат иретинде берген белеги үчүн чын дилден ыраазылыгын билдирет.