Чаткалда карышкырларга аңчылык күч алды

IMG-20160125-WA0023 IMG-20160125-WA0025 IMG-20160125-WA0021

 

Районубузда карышкырларга аңчылык күч алууда. Айта кетсек, өткөн жуманын соңунда Чаткал айыл аймагынын Чандалаш айылынын тургундары Рустам Эшназаров жана Топчу Барпиевдер жергиликтүү тургундар менен биргеликте карышкырларга аңчылыкка чыгышып, 3 күндө үч ургаачы карышкырды жок кылышты. Ал эми, Жаңы-Базар айылынын тургуну Шаабаев Жакып аттуу жаран тузак менен үч карышкырды колго түшүргөн. Бул тууралуу Чаткал айыл аймагынын башчысы Нурланбек Мырзаяров билдирди.

26-январда Жаңы-Базар айылында болуп өткөн элдик жыйында район акими Канжарбек Эшалиев элдин малына зыян келтирип жаткан жапайы жырткычтарды жок кылууга мамлекет тарабынан акчалай колдоо көрсөтүлөөрүн маалымдап, бир  карышкырды жок кылган жарангамамлекет тарабынан алты миң сом сыйлык берилээрин билдирди.

М. Эшназаров

 

Добавить комментарий

Ваш e-mail не будет опубликован. Обязательные поля помечены *