Архив за месяц: Март 2018

Жарандык коргонуу боюнча машыгуу болду

28-29-март күндөрү Чаткал районунун борбору Каныш-Кыя айылында Жарандык коргонуу боюнча машыгуу болду.IMG-20180329-WA0012IMG-20180329-WA0008IMG-20180329-WA0013IMG-20180329-WA0011IMG-20180329-WA0010

Машыгуунун биринчи күнү теоретикалык жактан даярдык өтүлдү. Экинчи күнү практикалык машыгуу болуп, анда катышуучулар керектүү техникалардын жардамы менен Чаткал дарыясынын Чаткал райондук электр тармагы ишканасына коркунуч келтирип жаткан бөлүгүн коопсуз багытка буруу боюнча жумуштар аткарылды. Машыгуу учурунда өрт, милиция бөлүмдөрү жана медкызматкерлер машыгуунун жүрүшүн көзөмөлдөп турушту.

Машыгуу аяктаган соң,  райондук  Жарандык Коргонуу жетекчилиги тарабынан «Жарандык коргонуу кызматтары өз милдеттерин так аткарды» деген тыянак чыгарылды.

Машыгууга он эки мекеме жана он жети даана ар түрдүү техника тартылды.

Бул тууралуу КР. ӨКМнин райондогу өкүлү, капитан Алтынбек Сулайманов билдирди.

М. Эшназаров

Кадимки айнектен жасалган доскалар пайдаланылууда

Эми, Чакмак-Суу орто мектебинде класстык доска маселеси көп жылга дейре маселе жаратпайт.  Жыл башында мектеп директору Бактыбек Турсункуловдун жеке тапшырмасы менен чарба башчысы Абдулла Ташбаев кадимки эле айнектен 7 даана класстык доска жасап, пайдаланууга берген эле. -Колдо жасалган доскалар бир нече ай пайдаланылып, чынында эле сапаттуу жана кадимки класстык доскалардан эч айырмасы жок экендиги иш жүзүндө далилденди. доска DSC_0828 доска DSC_0855 (3)Башка мектептерде да доска маселесин биз сыяктуу колдо жасап, чечип алышса болот деп ишеничтүү айта алам-дейт мектеп директору Бактыбек Турсункулов.

Кошумчалай кетсек, класстык доскаларды жасоо үчүн ата-энелер тарабынан колдоо көрсөтүлүп, 35 миң сом акча каражаты берилген.

М. Эшназаров

Чакмак-Суу мектебинин “Алтын казына” фондунун каражаттары кайда жумшалууда?

Сырттан жардам күтүп олтурбай, ички мүмкүнчүлүктөрдү туура пайдалануу менен, негизги чиелүү маселелерди чечип алууда Чакмак-Суу орто мектебинин эмгек жааматы көбүнө үлгү болчудай. Анткени, алардын өз демилгелери жана өздүк каражаттары менен беш жылдан бери эле  жүзөгө ашырган иштерин санай келсек бир топ.  Кеп алардын бул иштерди кантип аткарып жаткандыгында.

Анда эмесе, кененирээк токтоло кетсек, 2013-жылы мектеп мугалимдеринин демилгеси менен “Алтын казына” фонду уюштурулган.  Фондго төрага болуп мектеп директору Бактыбек Турсункулов шайланган. Фонддун максаты-мектептин жана мектеп мугалимдеринин ички муктаждыктарын чечүү болуп эсептелип, ага ай сайын мугалимдер эмгек акыларынан өз ыктыяры менен белгилүү бир суммада мүчөлүк акы чегерише баштаган. Ошентип, фонд аты айтып тургандай эле жыл айланбай “алтын казынага” айланып, анда топтолгон каражатка мектепке 2013-жылы 12000 сомго телевизор, 2014-жылы 45000 сомго түстүү принтер, ламинатор, 2015-жылы класстык бөлмөлөргө 44000 сомго жалюзилер, 2016-жылы 15000 сомго принтер сатылып алынган. Ал эми, 2017-жылы мектеп “Кичи Чаарат” фирмасынын эсебинен жаңы имаратка ээ болду. Жаңы мектепке фонддун эсебинен дагы каражат жумшалып, 75000 сомго видеокөзөмөл орнотулуп, буга кошумча 26000 сомго  жалюзи сатылып алынды.видеокөзөмөл DSC_0875видеокөзөмөл DSC_0958 видеокөзөмөл DSC_0977 жалюзи DSC_0861 (3) телевизор DSC_0855 (4)

Азыркы кезде фонддо 30 миң сомдон ашык акча каражаты бар экендигин, жылдын жыйынтыгы менен бул каражатты 50 миң сомго жеткирип, мектептин жасалгалоо иштерине жумшоону максат кылып жаткандыктарын айткан фонддун төрагасы, мектеп директору Бактыбек Турсункулов-жайкы эс алуу мезгилинде мугалимдер райондон сырткары эс алуучу жайларга фонддун каражаттарынын эсебинен барып келишет-деп кошумчалады.

Аракет деп ушуну айт!   Кептин кыскасы, бул мектептеги жогорудагыдай аракеттерди мактап, кепти созо бербейли. Башка мектеп, же башка тармактагы мекемелер менен бул мектептин аракетин салыштырып, окурман өзү баа берээр.

М. Эшназаров

SPRING долбоорунун алкагында кызыктуу жана пайдалуу иш чара өттү

Бугун 28-март күнү  район борбору Каныш-Кыя айылындагы «Бакыт Ордо» ресторанында райондук жалпы дарыгерлик практикалык борборунун ден соолукту чыңдоо бөлүмү тарабынан 1000 күн мүмкүнчүлүк  терезеси, ЖГЭЭ, кошумча тамактандыруу, аз кандуулук,колду жууш жана таза дааратканалар темалары боюнча иш чара болуп өттү.спринг 29598018_176213446358305_2262595325534731748_n спринг 29542172_176218969691086_6561507414141254813_n

спринг 29542460_176221149690868_4521568115135071788_n спринг 29542771_176221883024128_5968579044579710131_n спринг 29542927_176228729690110_8714498459347290687_n спринг 29570302_176212129691770_4366551355720721350_n спринг 29571018_176213226358327_3614887138673029329_n

спринг 29542771_176221883024128_5968579044579710131_n спринг 29542460_176221149690868_4521568115135071788_n

 

Иш чарага кош бойлуу аялдар,  активистер Айылдык Ден-соолук Комитеттеринин мүчөлөрү жана ата-энелер катышты.

Иш чаранын жүрүшүндө,  SPRING долбоорунун облустагы координатору Динара Боронбаева жана ЖДПБнын ден соолукту чыңдоо бөлүмүнүн башчысы Жайна Нарынбетова баштаган адистер наристелердин туура тамактануусу боюнча кеп-кеңештерди беришти. Буга кошо эле, баланын туура тамактануусу боюнча аталар жана чоң энелер арасында кызыктуу суроо-жооп оюндар болуп, жеңүүчүлөр кызыктыруучу белектер менен сыйланышты.

Иш чара учурунда Ч. Айтматов атындагы райондук маданият үйүнүн жана балдардын райондук музыкалык мектебинин өнөрпоздору катышуучуларга ыр, бийлерден тартуулашты.

 

Жалпы 63 катышуучу болду.

Иш чара Spring долбоору менен биргеликте өткөрүлүп, каржыланды.

М. Эшназаров

Дамира Жумабаева, мугалим:-Академияны таштап, Чакмак-Суу айылына келдим

Ал Бишкектеги бардык шарты бар, ыңгайлуу үйүн таштап, Жалал-Абад  облусунун Чаткал районунун эң алыскы Чакмак-Суу айылына кетти.

“Билим берүү тармагында 38 жылдан бери эмгектенем, орус тилинен сабак берем-дейт мага Дамира Жумабаева-Мектепте, интернатта жана Кыргыз билим берүү академиясында иштеп журдүм. Мен мага муктаж болуп жаткан жерде гана болушум керек. Мени азыр тагдыр мени мурдатан бери Чаткал райондук билим берүү бөлүмүнүн башчысы чакырып жүргөн айылдык мектепке алып барды. Мында көптөн бери орус тили мугалими тартыш экен. Тилекке каршы, азыр Кыргызстандын бардык тарабында ушундай көрүнүш. “ Түшүнбөйм, эмне үчүн азыр керектүү кадрларды даярдашпайт, эмне үчүн колдон келип турганда жардам бербеш керек?!”,-деп өзүмө суроо койдум да, жолго даярдана баштадым.дамира жумабаева 1 жумабаева дамира 3 жумабаева дамира 1 видеокөзөмөл DSC_0875

Окутуучунун үйүндө бирге турам. Жай келээри менен жеке үй берүүнү убада кылышты. Бүтүндөй бир айыл үчүн бир мончо, бир фельдшер, жолдор начар, дарыкана, спорттук аянтча, маданий эс алууга шарт жок. Бирок, мында укмуштай таза аба,  таңгалаарлык  табигый көрүнүштөр, албетте, бул-бийик тоолуу аймак. Айыл да деңиз деңгээлинен төрт миң метр бийиктикте, Талас облусу менен чектешкен жерде. Чакмак-Суу антсе да жаңыланып баратканы кубандырат. Мында көптөгөн жаш үй бүлөлөр бар. Мындагы адамдар азыркы цивилизациянын “жетишкендиктери”менен бузула элек, булар нагыз: жөнөкөй, ак көңүл, кайрымдуу, пенделик терс сапаттардан оолак,  мээнеткеч, негизинен үй чарбачылыгы жана жумуш менен алек. Алар менен ар кандай иш чараларды бирге өткөрсө болот. Кытайлык алтын казган ишкананын жардамы менен 180 орундуу мектеп курулган. Жаш директор Бакыт бул иште көп аракеттенген. Ар бир класста 8-12 гана окуучу болсо да, алар билим алууга умтулушуп,  ар бир жаңы нерсени өзүнө сиңирип алууга аракеттенишет. Алар сүйкүмдүү жана ишенчээк болушса да, башка тилдерди айтпаганда да, орус тилин эч бир билишпегендиги өкүндүрөт. Мендеги 2-класста эң көп окуучу бар. Анда 22 окуучу, баарысы тең кызыл жүздүү жана көздөрү  жанып турат.

Мен бул жашоодо ар нерсеге майдаланбай, бир бүтүн нерсеге кармалуу керектигин түшүндүм. Айылга өз эркимче жана канааттануу менен, адамдарга жардам берүү үчүн келдим. Адамдар менен көп жылдан бери өзүм топтогон тажрыйбамды бөлушүүнү каалайм. А, мүмкүн, чыныгы жашоо деген дал ушунун өзүдүр? Адамдар айылга кайтып келүүлөрү керек, шаарда деген, же жумуш, же турак жок. Мен кээ бир адамдардын жашоого ылайыктуу жактардан Бишкекке келишип,  жакырчылыкка кептелип жаткандыктарына түшүнбөйм! Өз айылдарына кайтып барып,  фирмаларды, курулуш компанияларын ачуулары керек.  Албетте, бул үчүн жакыш иштеп жана ага ылайык, жергиликтүү айыл өкмөттөр бардык маселелерин чечип берүүлөрү керек. А жер, таза, тунук аба жана суу-биздин башкы байлыгыбыз эмеспи?! Кыргыз ишкерлери, Өкмөтүбүз өз жери тууралуу кам көрүшүп,  адамдардын иштеши жана жашашы  үчүн жакшы шарттарды түзсө жакшы болмок. Анан албетте,  алар айылдарга кайтып келишмек.

Даярдаган: Елена Баялинова

Мугалимдер спортто да мыктылыгын далилдешти

24-март күнү Чаткал районунун Айгыр-Жал айылындагы Матиш уулу Исмайыл атындагы жана А. Айымбетов атындагы орто мектептеринде Чаткал районундагы билим берүү кызматкерлеринин 23-спартакиадасы болду.

Спартакиадага район боюнча эркектерден турган 13 команда, аялдардан турган 7 команда, жалпысынан 20 команда катышып, спорттун волейбол, шахмат жана теннис түрлөрү боюнча күч сынашты.

Мында, мугалимдер  мелдештин программасында камтылган оюндарда жогорку деңгээлде таймаш көргөзүшүп, бир гана билим берүү жаатында эмес, спортто да мыкты экендиктерин иш жүзүндө далилдей алышты.айгыржал топ DSC_0083 айгыржал топ DSC_0101 айгыржал топ DSC_0106 айгыржал топ DSC_0111 айгыржал топ DSC_0122

айгырж топ DSC_0221 айгырж топ DSC_0228 айгырж топ DSC_0233 айгырж топ DSC_0240 айгырж топDSC_0210 айгыржал топ DSC_0188 айгыржал топ DSC_0192 айгыржал топ DSC_0197 айгыржал топ DSC_0203 айгыржал топ DSC_0206Мелдеш  соңунда, калыстардын жыйынтыгы менен волейбол боюнча эркектер арасында 1-орунду Исмайыл уулу Матиш жана Ж. Ташкеев орто мектептеринин мугалимдеринен турган команда багындырды. 2-орунга Чакмак-Суу орто мектебинин командасы ээ болду. Ал эми, 3-орун Сумсар, Ю.А.Гагарин, В.И.Ленин жана Терек-Сай орто мектептеринин курама командасына ыйгарылды.

Аялдар командаларынын арасынан 1-орун Исмайыл уулу Матиш орто мектебинин командасына берилди. 2-орунду Чакмак-Суу орто мектебинин командасы ээледи. Ал эми, 3-орун Башкы-Терек орто мектебинин командасына ыйгарылды.

Шахмат боюнча 1-орунду Башкы-Терек орто мектебинин мугалими  Ж.Алиев, 2-орунду А.Баймырзаев орто мектебинин мугалими К. Смаилов, 3-орунду Терек-Сай орто мектебинин мугалими Н. Анарбаев ээледи.

Теннис боюнча эркектер арасынан 1-орун Сумсар орто мектебинин мугалими А.Алымов, 2-орун Исмайыл уулу Матиш орто мектебинин мугалими А. Нармырзаев, 3-орун Ю.А.Гагарин орто мектебинин мугалими А. Вахабовго берилди.

Ал эми, аялдар арасында теннис боюнча 1-орун Башкы-Терек орто мектебинин мугалими Н.Каримова, 2-орун Чымканаев орто мектебинин мугалими Г.Алимбекова, 3-орун Чакмак-Суу орто мектебинин мугалими С.Баймырзаевага ыйгарылды.

Мелдеш соңунда, спартакиаданын негизги уюштуруучусу болгон райондук билим беруү кызматкерлеринин кесиптик бирлигинин төрагасы Ызан Кудайбердиев катышуучуларга ыраазылык билдирип, келерки апрель айынын соңунда тандалган спортчу мугалимдер облустук спартакиадага бараарын маалымдады.

Ал эми, райБББнын башчысы Тажибай Тынышов катышуучулар мындан кийинки спорттук иш чараларда спорттук кийим менен келүүнү колго алуу керектигин жана бул маселени жөнгө салууга тийиштүү аракеттер көрүлөөрүн айтып, спартакиаданы өткөрүүгө демөөрчүлүк көрсөткөн Каныш-Кыя айыл аймагынын башчысы Нургазы Жолдошевге  ыраазылык билдирди.

Эскерте кетсек, спартакиаданы өткөрүүгө райондук билим беруү кызматкерлеринин кесиптик бирлиги тарабынан 20 миң сом жана Каныш-Кыя айыл аймагы тарабынан 10 миң сом, жалпысы 30 миң сом акча каражаты жумшалды.

М.Эшназаров

 

Жаш балбандар күч сынашты

23-март күнү Башкы-Терек айылында  жаш балбандардын райондук мелдеши  болду. Мелдешке Каныш-Кыя жана Чаткал айыл аймактарынан жалпы 76 балбан катышып, 11 салмактык бөлүктө өз ара күч сынашты.

Мелдеш өтө кызуу деңгээлде өтүп, соңунда кара күч жана ыкма жагынан чебер балбандар алдыңкы саптарга чыгышты.

IMG-20180326-WA0009 IMG-20180326-WA0007

Мелдештин соңунда, калыстардын чечими менен 26 салмактык бөлүктө 1-орун Өмүрбеков Автандилге (Айгыр-Жал), 2-орун Байышов Автандилге (Жаңы-Базар), 3-орун Мамыров Нурлан жана Кумашов Жумадилге (Айгыр-Жал) ыйгарылды.

29 кило салмактык бөлүктө 1-орунга Кутбидинов Нурдөөлөт (Айгыр-Жал), 2-орун Манасов Тимур (Коргон-Сай), 3-орун Тургунбеков Жумадил (Коргон-Сай) жана Токтоматов Нурадил (Коргон-Сай) ээ болду.

32-кило салмактык бөлүктө 1-орунду Асан уулу Мунарбек (Башкы-Терек), 2-орунду Наркул уулу Исабек (Айгыр-Жал), 3-орунду Абдилажонов Фарух (Жаңы-Базар) жана Наралиев Бекболсун (Коргон-Сай) ээлешти.

36 кило слмактык бөлүктө 1-орун Кутбидинов Шамшар (Айгыр-Жал), 2-орун Үмөтбек уулу Алмаз (Айгыр-Жал), 3-орун Жуманалиев Элмирбек (Айгыр-Жал) жана Осмон уулу Адилетке (Жаңы-Базар) берилди.

40 кило салмактык бөлүктө 1-орун Кубанычбек уулу Бекболсун (Каныш-Кыя), 2-орун Кутбидинов Шамшар (Айгыр-Жал), 3-орун Замирбай уулу Баел (Башкы-Терек) жана Самарбеков Бекболотко (Каныш-Кыя) берилди.

44 кило салмактык бөлүктө 1-орунду Уланбек уулу Хантеңир (Айгыр-Жал), 2-орунду Акжол уулу Дилмурат (Каныш-Кыя), 3-орун Тагаев Байзак (Жаңы-Базар) жана Асанбеков Албан (Каныш-Кыя) ээлешти.

49 кило салмактык бөлүктө 1-орун Мусабеков Темирлан (Жаңы-Базар), 2-орун Сүйүнбай уулу Аскар (Башкы-Терек), 3-орун Абдыганыев Нурлис жана Өмүрбек уулу Курманбек (Каныш-Кыя) ыйгарылды.

54 кило салмактык бөлүктө 1-орунга Нарбеков Алмаз (Жаңы-Базар), 2-орунга Айтыкул уулу Осмон (Жаң-Базар),  3-орунга Акышов Майрамбек жана (Айгыр-Жал) менен Жанузак уулу Калыйнур ээ болду.

59 кило салмактык бөлүктө 1-орун Орозбек уулу Кутболсун (Айгыр-Жал), 2-орун Турсунбек уулу Нукен (Каныш-Кыя), 3-орун Алишер уулу Айбек (Жаңы-Базар), жана Абдыжапаров Жумадил  (Каныш-Кыя) ээледи.

67 кило салмактык бөлүктө 1-орунга Тургунбеков Турат (Башкы-Терек), 2-орунга Эшалиев Кылычбек (Жаңы-Базар), 3-орунга Ашыркул уулу Азамат (Каныш-Кыя) жана Советбек уулу Нурсейит (Жаңы-Базар)  ээ болушту.

75 кило салмактык бөлүктө 1-орун Ашыркул уулу Амат (Каныш-Кыя),  2-орун Тургунбеков Турат (Башкы-Терек), 3-орун Назаркулов Бекбол (Башкы-Терек) жана Алтынбек уулу Айдар (Айгыр-Жал) ээлешти.

Кошумчалай кетсек, мелдеш Башкы-Терек орто мектебинин машыктыруучусу Орозов Арстаналынын демилгеси менен өткөрүлдү.

Ал эми, мелдешти өткөрүүгө Каныш-Кыя айыл аймагы беш миң сом жана «Кичи Чаарат» фирмасы он миң сом акчалай колдоо көрсөтүштү.

М. Эшназаров

 

Ар тараптуу мугалим Аида Сыдыкова тууралуу

Баланы эне төрөйт, эл өстүрөт, мугалим тарбиялайт»  деген накыл кеп бар. Тынымсыз изденүү жаңылык жаратуунун үстүндө эмгектенген К. Акназаров атындагы жалпы орто билим берүүчү мектебинин башталгыч класстар мугалими Сыдыкова Аида Жапановна 22 жылдан бери аты аталган мектепте үзүрлүү эмгектенип келе жатат. ОшМУнун башталгыч класстар факультетин аяктаган. Жакында «Бирге окуйбуз» долбоорунун негизинде башталгыч класс мугалими Аида Сыдыкова 3-класска «Апам жана мен» деген темада апалар менен биргеликте класстан тышкаркы иш өткөрдү.  Аида Сыдыкованын сүрөтүБул иш-чарага 8 окуучу апалары менен биргеликте катышты.

«Китеп балага дүйнөнү таанытат, аалам сырын ачып берет» демекчи, окуучулар апалар менен бирге китеп окуп, окуган чыгармалардан үзүндүлөрдү аткарып, сахнадан орун алышты.

Катышуучулар;

  1. Ханзаада, таенеси Каличабүбү менен
  2. Даниель, эжеси Айзирек менен
  3. Жумадина, апасы Жайнак менен
  4. Кызжибек, апасы Анара менен
  5. Бекмырза, апасы Нургүл менен
  6. Аделя, апасы Вероника менен
  7. Гүлниса, апасы Кайыргүл менен
  8. Айчүрөк, апасы Гүлназина менен.

Катышуучуларды тааныштырып, Сыдыкова Аида маалымат берип өттү.

«Апам жана мен» аттуу сынактын программасы төмөндөгүдөй болду;

  1. Саламдашуу. Окуучулар менен апалар өздөрү жөнүндө маалыматтарды айтышат.
  2. Каармандар бизге мейманда ( окуган чыгармадан аткарып беришет)
  3. Эне жөнүндө обондуу ырлар.
  4. Макал улоо (мугалим макалдын башын айтат, окуучулар улантат)
  5. Түстүү кагаздар менен иштөө (апалар менен бирге жасашат)
  6. «Табышмактуу алмалар» (Логикалык суроолор, табышмактар)
  7. Оюн (өз апасын табуу)

Калыстар тобунун курамы төмөндөгүдөй болду:

  1. Бейшенбаева Аида – кыргыз тили, адабияты мугалими
  2. Молдалиева Наргиза – жеке ишкер
  3. Орозбаева Канышай – айылдык китепкана башчысы

Берилген суроолорго жооп берүүсүнө, аткаруу чеберчилигине карап, катышуучуларга жогорку упай 3 деген баалар менен белгиленди. Мугалим Аида Сыдыкова апаларды майрамы менен куттуктап, арноо-каалоо ырларды окуду.

Ар бир окуучу, ар бир апа берилген тапшырмаларды тыкан, так аткарууга жетишип,  сабактын акырында жеңүүчүлөр белгиленди.

Бугунку өткөрүлгөн класстан тышкаркы иш-чара ата-энелер жана башталгыч класстын окуучулары үчүн кызыгууну туудурду деп айта алам.

Аида Жапановна жетектеген 3-класстын ата-энелер комитети Ибраимова Жайнак, Молдобекова Кайыргүл  кеченин сонунда ыраазычылык сөзүн мугалимге билдирип, эжекеге мындан аркы түйшүктүү ишинде ийгиликтерди каалашты.

Кеченин жыйынтыгында калыстар тобу тиешелуу номинацияларды, байгелуу орундарды төмөндөгүдөй ыйгарышты;

1-орун: Төлөгөнова Гүлниса жана апасы Кайыргүл (15 упай менен)

2-орун: Шайманова Айчүрөк жана апасы Гүлназина   (13 упай менен)

Малайбекова Кызжибек  жана апасы Анара  (13 упай)

3-орун: Өскөнбаев Бекмырза жана апасы Нургул  (12 упай менен)

Мындан сырткары аткаруу чеберчилигине, тапкычтыгына карап, төмөндөгүдөй номинациялар ыйгарылды:

Адылбеков Даниелге “Мырзы жигит»,  Мусурманкулова Ханзаадага «Мыкты аткаруучу»,  Шекербекова Аделяга «Булбулдай ырчы»,  Дуйшобаева Жумадинага «Шамдагай кыз» номинациялары ыйгарылды.

«Билим – бул тарбия, ар бир баланын ийгилиги, мугалимдин ийгилиги» дегендей бул класстан тышкаркы ишти даярдоодо мугалимдин эмгеги чоң деп ойлойм. Сыдыкова Аида эжеке бул мезгилге чейин мындан башка дагы  ийгиликтерди жаратып келген. Өткөн үлгүлүү сабактары учурунда  райондук денгээлде жайылтылган. Ата-энелер менен тыгыз байланышта иш алып барып, 2009-жылы ата-энелер арасында «Даткайым» сынагын өткөргөн. 2012-жылы ата-энелер арасында «Ата-апам жана мен» сынагын өткөрүп, ата-эне жана окуучу, ата-эне жана мектеп ортосундагы байланышты чыңдоодо өз саламын кошуп келген.

2013-жылы өз каражаты менен жолдошунун демөөрчүлүгү аркасында ардагер мугалим Абдыкеримов Ашыркул атындагы автордук кабинет ачкан.

Сыдыкова Аида Жапановнанын эмгектери бааланып, райондук, областтык «Ардак Громаталар» менен сыйланган.

М. Эшназаров. КР. Журналисттер кошуунунун мүчөсү. Чаткал району

Нооруз-Жаз майрамы өзгөчө шаң менен өттү

Быйыл Нооруз-Жаз майрамы Чаткал районунда өзгөчө шаң менен өттү. Тактап айтканда, райондун ар бир айылында айыл аймактары жана демөөрчүлөр тарабынан бөлүнгөн каражаттарга майрамдык ишчара уюштурулуп, эр оодарыш, чуркап жарышуу, күрөш сыяктуу улуттук спорттук оюндар жана тушоо кесүү каадалары болду.

Район борбору Каныш-Кыя айылында да Каныш-Кыя айыл өкмөтү тарабынан уюштурулуп, мында алгач район акими Канжарбек Эшалиев, Каныш-Кыя айыл аймагынын башчысы Нургазы Жолдошев жана райондо кен казуу менен алектенген  «Вертекс Голд Компани» фирмасынын директору Абдыкапар Баялиевдер куттуктоо сөздөрүн сүйлөштү.

Андан соң, эр оодарыш оюну башталып, ага аял балбандар да катышып, кадимки эркектерден кем калышпай кармашып,  көрүүчүлөрдүн кызыгуусун арттырды. Мындан сырткары, чуркап жарышуу, аркан тартыш оюндары да болуп, эркектерден жана аялдардын турган командалар күч сынашып, жеңүүчүлөр акчалай байгелерге ээ болушту. Оюндарга Маданият айылынын жашоочулары активдүү катышып, көрүүчүлөрдүн алкоосуна арзышты.20180321_114236 20180321_114357 20180321_114553 20180321_115705 20180321_120809 20180321_121443 20180321_121745 20180321_123401

Район борборунда өткөн майрамдык иш чарага Каныш-Кыя айыл өкмөтү тарабынан он миң сом жана «Вертекс Голд компани» фирмасы тарабынан он миң сом, жалпысы жыйырма миң сом акча бөлүнгөн. Тагыраагы, айыл өкмөтү тарабынан Каныш-Кыя айыл аймагы боюнча бардык айылдарга жалпысынан 65 миң сом акча каражаты бөлүнгөн. Бул айыл аймак башчысы Нургазы Жолдошев билдирди.

Мындан сырткары, Нооруз майрамын өткөрүүгө «Вертекс Голд Компани» фирмасы тарабынан жалпы 100 миң сом акча бөлүнгөндүгүн аталган фирманын директору Абдыкапар Баялиев билдирди.

М. Эшназаров

Бүткүл дүйнөлүк токой күнүнө карата сынак болду

Өткөн жуманын соңунда 20-март-Бүткүл дүйнөлүк токой күнүнө карата Чаткал райондук токой чарбасы тарабынан Каныш-Кыя айылындагы С. Байдөөлөтов орто мектебинин окуучуларынын арасында сүрөт сынагы жарыяланган эле.

Бүгүн аталган сынактын жыйынтыгы чыгарылып, жеңүүчүлөр Чаткал райондук токой чарбасынын кызматкерлери тарабынан акчалай сыйлыктар менен сыйланышты. Атап айтканда, 1-орунга 5-в классынын окуучусу Эргешов Бектемир ээ болуп, 200 сом акчалай сыйлыкка ээ болду. 2-орун 5-в классынын окуучусу Чалкарбек уулу Жумадилге берилип, 100 сом акчалай сыйлык берилди. 3-орун жана 100 сом акчалай сыйлык 5-в классынын окуучусу Акжолова Акзыйнатка ыйгарылды.  Ал эми, 27 окуучу 50 сомдон кызыктыруучу сыйлыктардын ээлеринен болушту.

Сынакка жалпы отуз окуучу катышты.

Сыйлык тапшыруу аземинин соңунда райондук токой чарбасынын башкы адиси Арстанбек Карашов окуучуларга ийгилик каалап, ушундай иш чараларга активдүү катышууга чакырды.

М. Эшназаров