Архив за месяц: Февраль 2017

Мекенди коргоо күнүндө

22-февралда район борборундагы райондук китепканада китепкана кызматкерлери тарабынан 23-февраль— Мекенди коргоочулар күнүнө карата майрамдык кече болду.

Кечеге райондук аскер комиссариатынын кызматкерлери, аскер кызматын өтөп келген улуу муундагы инсандар жана мектеп окуучулары катышты.

Кеченин жүрүшүндө китепкана кызматкерлери жана маданият үйүнүн өнөрпоздору тарабынан атуулдук духтагы көркөм жана обондуу ырлар тартууланды.

Ал эми, китепкана кызматкерлери тарабынан даярдалган, жазуучу Ч. Айтматовдун «Саманчынын жолу » чыгармасынан алынган сахналаштырылган көрүнүш өзгөчө таасир калтырды.

Кече соңунда, катышуучулар өз таасирлери менен бөлүшүштү.

М. Эшназаров

 

«Чаткал мырзасы— 2017 » кароо— сынагы болду

Өткөн жуманын аягынд­а Чаткал районунун бо­рбору Каныш-Кыя айылы­ндагы Ч. Айтматов аты­ндагы райондук мадани­ят үйүндө райондук ма­даният бөлүмү жана ра­йондук жаштар кеңеши ­тарабынан даярдалган ­  «Чаткал мырзасы-201­7»  кароо-сынагы болу­п өттү.

IMG_20170222_164404 (2) чаткал мырзасы 2017 IMG_20170222_165306 (2) чаткал мырзасы 2017 IMG_20170222_173900 (2) чаткал мырзасы 2017 IMG_20170222_181239 (2) чаткал мырзасы 2017 чаткал мырзасы 2017 1 18-35 жашка ч­ейинкилер арасында өт­көрүлгөн бул кароо сы­накка райондун айылда­рынан беш катышуучу к­атышып, сынактын жобо­сунда көрсөтүлгөндөй ­шамадагайлыгын, эрктү­үлүгүн, шыктуулугун ж­ана ар тараптуу талан­тын көргөзүшүп, өз ар­а таймашышты.
Мында, катышуучуларды­н айрымдары эстрада ж­анрында мыкты ырдаса,­ кээ бирлери 16 кило ­салмактагы гиряны көт­өрүүдө эч кимди алдын­а салдырбады. Буга ко­шо эле, катышуучулард­ын бири кумга сүрөт т­артуу өнөрүн көргөзүп­,  калыстардын жана к­өрүүчүлөрдүн катуу ко­л чабуусуна арзыды.
Соңунда, калыстардын ­калыс чечими менен ка­ныш-кыялык Кайрат Айт­икенов эң көп упай то­птоо менен алдына озу­п, «Чаткал мырзасы-20­17» наамын жеңип алды­. Калган катышуучулар­ «Шамдагай мырза», «Ы­рчы мырза» жана «Келб­еттүү мырза » номинац­ияларына ээ болушуп, ­өз бааларын алышты. 

М. Эшназаров

Адеп жана ыйман-маданияттын башаты

Февраль айынын онунда Айгыр-Жал айылынын А. Айымбетов орто мектебинде Чаткал райондук маданият бөлүмү тарабынан быйылкы «Адеп, ыйман жана маданият жылына» карата  «Адеп жана ыйман-маданияттын башаты» аттуу тегерек стол болду.

IMG_20170210_155249 IMG_20170210_155220 IMG_20170210_155808 IMG_20170210_162255

Тегерек  столго айыл тургундары, мектеп мугалимдери жана жогорку класстардын окуучулары катышты.

Тегерек столдун жүрүшүндө, райондук маданият бөлүмүнүн кызматкерлери тарабынан даярдалган ата-энени сыйлоо, жашы жете элек балдар арасындагы рекетчилик жана бүгүнкү күндөгү карылардын жосунсуз жоруктары тууралуу видеожүгүртмөлөр тартууланып, анда камтылган маселелер катышуучулардын кеңири талкуусуна коюлду. Мында, катышуучулар өз ойлорун ортого салышып, талкууга коюлган маселелер тууралуу ойлорун айтышып, сунуш-пикирлерин билдиришти.

Талкууда буга кошо эле, жеткинчектердин жашоо-турмушуна терс таасирин тийгизип жаткан интернет оюндары тууралуу да сөз болуп, маданият кызматкерлери тарабынан түшүндүрүү иштери жүргүзүлдү.

М. Эшназаров

Кадрлар жаатындагы маселелер көңүл сыртында эмес

Бүгүнкү күндө, Чаткал районундагы  жалпы билим берүүчү мекемелер мугалимдер менен 98,7 пайызга камсыз болгон. Мында, район боюнча 9 педагогикалык кадрлар жетишпейт. Жетишпеген кадлар бонча райондук билим берүү бөлүмү тарабынан Ош мамлекеттик Университети, И.Арабаев атындагы Кыргыз мамлекеттик Университети жана Ош мамлекеттик социалдык  Университеттери менен   келишимдер түзулгөн.    Бул тууралуу райондук мамлекеттик администрациядан билдиришти.

М. Эшназаров

Жаштар маселелери өткөн жылда….

Бүгүнкү күндө, Чаткал районунда 18 жашка чейинки 9295 өспүрүм болсо, анын ичинен жети жашка чейинки 3466 жаш жеткинчек бар. Өткөн 2016-жыл ичинде райондук жаштар кеңеши тарабынан пландалган 19 иш чаранын 12си өткөрүлүп, ага  1234 өспүрүм катышкан. Ал эми, райондук   спорт   бөлүмүндө бир дагы райондук деңгээлдеги иш чара өткөрүлбөй,  акыркы мезгилде райондук спорт бөлүмүндө жумуш өтө солгундап кеткен.

2016-жылдын соңуна карата район боюнча 20 жаш өспүрүм РИИБнин жашы жете элек өспүрүмдөр менен иштөө  бөлүмүндө  каттоодо турат.   Булар тууралуу январь айында болуп өткөн райондук коллегияда район акими Канжарбек Эшалиев өз баяндамасында белгилеп кетти.

М. Эшназаров

Куут пункттары иштөөдө

Өткөн 2016-жылда райондо малдын асылдуулугун жогорулатуу максатында Кыргыз Республикасынын Өкмөтүнүн «Бодо малдарды жасалма жол менен уруктандыруунун 300 пунктун ачуу» долбоору менен үч айылдык аймакта-Каныш-Кыя, Терек-Сай жана Сумсар айыл аймактарында 20 пайыздык төлөмдөрүн төлөө менен куут пункттары ачылган. Аталган пункттарда бүгүнкү күнгө карата район боюнча 33 баш кара мал жасалма жол менен уруктандырылган. Анын ичинен Каныш-Кыя айыл аймагында 12 баш, Терек-Сай айыл аймагында 10 баш, Сумсар айыл аймагында 11 баш кара малды түзөт.

М. Эшназаров

Терек-Сай айылдык кеңешинин токтому (2017-жыл, февраль)

Терек-Сай айылдык Кенешинин VII чакырылышынын Кезектүү I сессиясынын
№ 7 ТОКТОМУ

“ 02 ” февраль 2017-жыл Терек-Сай айылы.
“ Терек-Сай айылдык Кеңешинин сессияларынын токтомдорун мамлекеттик тилде кабыл алуу жөнүндө”

Терек-Сай айылдык Кеңешинин VII чакырылышынын кезектүү I сессиясы
ТОКТОМ КЫЛАТ:
1. “ Жергиликтүү өз алдынча башкаруунун өкүлчүлүктүү органынын ченемдик укуктук актыларын каттоонун тартиби жөнүндөгү жобосуна ” ылайык Терек-Сай айылдык Кенешинде өткөрүлгөн сессияларынын токтомдору мамлекеттик тилде кабыл алынсын.

2. Бул токтомдун аткарылышын көзөмөлгө алуу жагын өзүмө калтырамын.

3. Бул токтом www.chatkal.kg сайтына жайгаштырылсын.
Терек — Сай айылдык
Кенешинин төрагасы: Алымкулов Н.А.

Жеткинчектерге фортепианонун сырларын үйрөтүп

Районубузда саналуу гана жогорку билимдүү музыка адиси болсо, анын бири Азима Шекебаева.

IMG_20170315_103304 (2) IMG_20170315_103636 (2)

А. Шекебаева Ош мамлекеттик музыкалык окуу жайын аяктаган. Ал  билим берүү тармагында 26 жылдан бери талыкпай эмгектенип келет.  Бүгүнкү күндө, район борборундагы райондук музыкалык мектепте фортепианодон сабак берүүдө.  Мында эмгектенгенине быйыл алты жылдын жүзү болду.

—Музыкалык мектепте фортепиано боюнча 3 класста жалпысынан он беш окуучу бар. Төрт окуучу фортепиано боюнча билим алып чыгышты.—дейт А. Шекебаева.

Айта кетчү нерсе, жакында музыкалык мектепте фортепиано сабагы боюнча өткөн декадада А. Шекебаеванын окуткан сабактары оң баага татыды.

М. Эшназаров

«Маданият— ыйман менен адептен башталат «

Кечээ, 31-январда Ч. Айтматов атындагы райондук маданият үйүндө 2017-жыл— ыйман, адеп жана маданият жылына карата жогорудагыдай аталыштагы тегерек стол болду.

Тегерек столго  район акими Канжарбек Эшалиев, райББнын башчысы Тажибай Тынышов, √46-кесиптик лицейдин директору Бактыбек Алибеков, Каныш— Кыя айыл аймагынын башчысы Нургазы Жолдошевдер, РИИБ кызматкерлери жана айыл тургундары катышты.IMG_20170131_142808

IMG_20170131_160942 IMG_20170131_154511 IMG_20170131_162010 IMG_20170131_143918 IMG_20170131_150514

Тегерек столду алгач райондук маданият бөлүмүнүн башчысы Жуманазар Нурбаев ачып, ал быйылкы ыйман, адеп жана маданият жылынын мааниси, максаты жана ушуга тиешелүү жагдайлар тууралуу айтып, катышуучуларды тегерек столго активдүү катышууга чакырды.

Андан соң, райондук маданият үйүнүн кызматкерлери тарабынан азыркы коомдо, тагыраагы улуу, орто жана кичүү муун арасында болуп  келе жаткан аракечтик, сый— урматсыздык, балдар арасындагы рекетчиликке байланышкан ыймансыз, маданиятсыздык көрүнүштөр тууралуу видеожүгүртмөлөр катышуучулардын назарына сунушталды.

Катышуучулар өз кезегинде, видежүгүртмөлөрдө чагылдырылган окуялардын тегерегинде талкуу жүргүзүшүп, өз ойлорун ортого салышты.

Иш чаранын жалпы катышуучулары тегерек столдун өтүшүнө жана анда козголгон маселелерге  оң баа беришти. Ал эми, район акими Канжарбек Эшалиев тегерек стол ушуну менен эле токтоп калбай, мындай иш чараларды райондун ар бир айылында өткөрүү маселесин көтөрүп, райондук маданият бөлүмүнө сунуштап, катышуучулар тарабынан колдоого алынды.

Иш чаранын жүрүшү райондук маданият бөлүмүнүн өнөрпоздорунун ыр, күүлөрү менен коштолду.

М. Эшназаров