Архив за месяц: Февраль 2016

Көрктөндүрүү-жашылдандыруунун үч айлыгынын алкагында

ipp ipp ipp

Быйыл районубузда көрктөндүрүү-жашылдандыруунун үч айлыгынын алкагында бир топ иш чаралар камтылганы белгилүү болду. Булардын айрымдарын атай кетсек, мындан эки жыл мурда башталган ийне жалбырактуу дарактардын көчөттөрүн отургузуу иштери быйыл да улантылат. Быйылкы өзгөчөлүктү айта кетсек-башка ийне жалбырактуу дарактардын көчөттөрү менен бирге эле, жаратылыштын катаал шарттарына чыдамдуу хайленд дарагынын көчөттөрүн алып келип отургузуу максат кылынууда.

Жакында, раймамадминистрацияда болуп өткөн жыйында бул тууралуу айткан район акими Канжарбек Эшалиев Каныш-Кыя айыл аймагынын башчысы Сатаркул Мусабаевге хайленд дарагынын көчөттөрүн районго алып келип, көчө бойлоруна эктирүү боюнча сунушун айтты. Ал буга кошо эле, Жаңы-Базар айылындагы Ыдырыс пайгамбардын кадамжайынын алды жагындагы капталына ийне жалбырактуу көчөттөрдөн отургузуп, ал жерди токойлуу аянтчага айлантуу максат кылынып жаткандыгын билдирди жана мекеме, ишканалардын жетекчилерин жана айыл аймак башчыларын көрктөндүрүү-жашылдандыруу иштерине тиешелүү тапшырмаларды берди.

М. Эшназаров

Көрнөк, жарнактарды илүү боюнча тапшырма берилди

IMG_4342 IMG_4349

Быйылкы 2016-жыл мамлекетибизде тарых жана маданият жылы деп белгиленген учурдан бери, район аймагында буга байланыштуу ар кандай иш чаралар өткөрүлүүдө. Буга улай, жакында раймамадминистрацияда болуп өткөн жыйында район акими Канжарбек Эшалиев райондук мекеме, ишканалардын жетекчилерине тарых жана маданият жылына карата өлкөнүн тарыхын жана маданиятын чагылдырган көрнөк, жарнактарды ылайыктуу жерлерге илдирүү боюнча тапшырма берди. Эми, өткөн жылдагы шайлоодон кийин бошой түшкөн көрнөк такталары кооз көрнөктөр меенен кайрадан көркүнө чыкмакчы.

М. Эшназаров

Жолбун иттерди жок кылуу солгун жүрүүдө

 

Райондун айрым айыл аймактарында жолбун иттерди атып, жок кылуу иши солгун жүрүүдө. Мындай абал Сумсар жана Терек-Сай айыл аймактарында байкалат. Бул тууралуу райондук санэпидкөзөмөл борборунун башкы дарыгери Г. Акылбекова жакында раймамадминистрацияда болуп өткөн жыйында билдирди. –Жолбун иттерди IMG_1068 (2)атып, жок кылбасак, кутурма сыяктуу коркунучтуу оорулардын алдын ала албайбыз. Чаткал айыл аймагында жолбун иттерди жок кылуу боюнча талаптагыдай иш жүрдү.-деп кошумчалады Г. Акылбекова

Ал эми, Каныш-Кыя айыл аймагынын башчысы С. Мусабаев  кен өндүрүү менен алектенген бир ишкананын айланасында жолбун иттердин саны көбөйүп кеткендиги тууралуу маалымат келип түшкөндүгүн, жакында андагы жолбун иттерди жок кылынаарын маалымдады.

М. Эшназаров

Райондо ветдарыгер жетишпейт

IMG_5741

Бугүнкү күндө, район аймагында ветадистердин жетишпестиги калктын колундагы малды толук дарылоого кедергисин тийгизип келүүдө.  Негизи, ар бир айыл аймакта бирден ветадис болушу талап кылынса, иш жүзүндө райондун эки айыл аймагында-Чаткал жана Каныш-Кыя айыл аймактарында ветадистер бар ал эми, Терек-Сай жана Сумсар айыл аймактарында ветадистер жок болууда. Муну райондук ветеринардык мекеменин башчысы Жунусбек Жолдошов райондо жогорку билимдүү ветадистердин таңкыстыгы менен тушүндүрүүдө.

Жунусбек Жолдошов буга кошо эле, мал ээлери малдарын дарылаткан соң, дарылоонун акысын беришпей, натыйжада, айрым ветадистер иштөөдөн баш тарткан учурлар да болуп келаткандыгын айтты.

М. Эшназаров

Малды асылдандыруу иштери колго алынмакчы

IMG_1480 (2)

Быйыл Чаткал районунда калктын колундагы малын асылдандыруу иштери колго алынуусу күтүлүүдө. Райондун Каныш-Кыя, Терек-Сай жана Сумсар айыл аймагында 3 даана малды жасалма уруктандыруучу аппарат бар. Жаз келээри менен бул аппараттардын жардамы менен малдарды жасалма уруктандыруу иштери колго алынмакчы.

Бүгүнкү күндө, райондук ветеринардык алдын алуу мекемесинин адистери тарабынан калкка малды асылдандыруу боюнча түшүндүрүү иштери жүргүзүлүп келүүдө.

М. Эшназаров

Маркум Эгенберди Батырбековдун жаркын элесине арналган мелдеште

23-февраль-Мекенди коргоо күнүндө Жаңы-Базар айылында волейбол боюнча маркум Эгенберди Батырбековдун жаркын элесине арналган райондук мелдеш болду.

Мелдеш бул күнгө коюлгандыгынын себеби, бул күн маркумдун туулган күнү болуп эсептелет. Ошондуктан, мелдеш жыл сайын ушул күнү өткөрүлөт.

волейбол 8волейбол 7

Бу жолку мелдешке жалпы  команда катышты. Мелдеш жогорку деңгээлде, абдан кызыктуу таймаш менен өтүп, мыкты командалар алдыга иргелип  чыкты.

Соңунда, калыстардын жыйынтыгы менен 1-орун Чаткал командасына берилип, беш миң сом акчалай сыйлык менен сыйланды. 2-орун болсо, Каныш-Кыя командасына берилип, үч миң сом акчалай байге кошо ыйгарылды. Ал эми, 3-орун райондук өспүрүм балдар спорт мектебинин командасына берилип, эки миң сом акчалай байгеге ээ болушту. 4-орунга Ак-Таш айылынын командасы ээ болуп, миң сом акчалай байгенин ээси болушту. Мындан сырткары, өзгөчөлөнгөн спортчуларга ар кандай кызыктыруучу сыйлыктар да берилди.

Мелдеш маркумдун иниси Кудайберди Батырбеков тарабынан демилгеленип жана каржыланып, маркум мурда иштеген райондук электр тармагы ишканасы, Чаткал айыл аймагы, райондук сот, маркумдун туугандары, классташтары тарабынан да акчалай демөөрчүлүк көрсөтүлдү. Бул тууралуу Жаңы-Базар айылындагы Т. Жаналиев орто мектебинин дене тарбия мугалими Абдыкадыр Турсуматов билдирди.

М. Эшназаров

«Чаткал мырзасы-2016» кароо-сынагы болду

22-февраль күнү район борбору Каныш-Кыя айылындагы «Ч. Айтматов»атындагы райондук маданият үйүндө 23-февраль-Мекенди коргоо күнүнө карата жогорку класстардын окуучулары катышкан «Чаткал мырзасы-2016» кароо-сынагы болду.чаткал мырзасы IMG_6004

Кароо-сынакка Башкы-Терек, К. Акназаров, Кайың-Суу, С. Байдөөлөтов, А. Баймырзаев, С. Исмаилов, Т. Жаналиев жана К. Усупбеков орто мектептеринен келишкен 8 улан өз өнөрлөрүн көргөзүшүп, күч сынашышты.

чаткал мырзасы IMG_6010 чаткал мырзасы IMG_6015 чаткал мырзасы IMG_6017 чаткал мырзасы IMG_6023 чаткал мырзасы IMG_6035 чаткал мырзасы IMG_6043 чаткал мырзасы IMG_6067 чаткал мырзасы IMG_6083 чаткал мырзасы IMG_6095 чаткал мырзасы IMG_6127 чаткал мырзасы IMG_6149 чаткал мырзасы IMG_6157 чаткал мырзасы IMG_6173 чаткал мырзасы IMG_20160222_182226 чаткал мырзасы IMG_20160222_182314 чаткал мырзасы IMG_20160222_182319

 

Мында, саламдашуу, обондуу ырлардан аткаруу, Манас эпосунан үзүндү айтуу, бийлөө, гиря көтөрүү жана өз өнөрүн көрсөтүү боюнча тапшырмалар берилип, айрымдары коштогон бийкеч түгөйлөрү менен биргеликте ар улуттун бийлерин бийлешсе, айрымдары сынган айнектин үстүнө жылаңач денеси менен жата калып, кээ бири кумдун үстүнө сүрөт тартып айтоор, зал толо күйөрмандарды да, калыстарды да таңгалдырып атышты. Айрым катышуучулар Манас эпосунан үзүндү айтуу учурунда берилип кетип, коштоочулары араң токтоткон учурлар болду. Ал эми, гиря көтөрүү боюнча Рахманбай уулу Арген эч кимди алдына салдырган жок.

Катышуучулардын арасынан Т. Жаналиев орто мектебинен келген Эгембердиев Мундуз, Баймырзаев орто мектебинен келген Рахманбай уулу Арген,  С. Байдөөлөтов орто мектебинен келген Айтикенов Кайрат өзгөчөлөндү.

Кароо-сынактын жыйынтыгында, калыстардын калыс чечими менен 1-орун Т. Жаналиев орто мектебинен келген Эгембердиев Мундузга берилип, «Чаткал мырзасы-2016» ардактуу наамы кошо ыйгарылды. Ал эми, 2-орун А. Баймырзаев орто мектебинен келген Рахманбай уулу Аргенге, 3-орун   С. Байдөөлөтов орто мектебинен келген Айтикенов Кайратка тапшырылды.

Мындан сырткары, бир топ катышуучулар өз өнөрлөрүнө жараша ар кандай номинациялар менен сыйланышты.

Соңунда, кароо-сынактын уюштуруучусу болгон райондук жаштар кеңешинин төрагасы Айбек Бекмуратов кароо-сынакка демөөрчүлүк кылган раймамадминистрацияга жана Каныш-Кыя айыл аймагына ыраазылык билдирди.

М. Эшназаров

 

Райондук маданият бөлүмүнүн отуруму болду

Февраль айынын он тогузунда райондук “Ч. Айтматов” атындагы маданият үйүндө райондук маданият бөлүмүнүн кеңешинин отуруму болду. Отурумга райондук маданият бөлүмүнүн жааматы, айылдык китепканалардын жана маданият үйлөрүнүн директорлору, айыл аймак башчылары жана район акиминин 1-орунбасары Ж. Накетаев, раймамадминистрациянын башкы адиси А. Таштанбаевалар катышты.

ДК IMG_5867ДК IMG_5868ДК IMG_5872

Отурумда райондук маданият үйүнүн директору К. Бекмуратовдун жана борборлоштурулган китепканалык тармактын директору Р. Момунованын өткөн 2015-жыл ичинде аткарылган иштер боюнча отчеттору угулду.

Отурумдун жүрүшүндө, райондук маданият бөлүмүнүн директору Ж. Нурбаев баяндама жасап, КР. Маданият, маалымат жана туризм министрлигинин 2016-жыл-“Тарых жана маданият жылына” карата иш пландарынын негизинде,  райондук маданият бөлүмүндө да жыйырма иш чара өткөрүү пландалгандыгын жана буга ылайык, кетчү каражаттар эсептелинип, айыл аймактарга жана айыл башчыларына иш чаралар таркатылып берилгендигин маалымдады.

Отурум соңунда, район акиминин орунбасары Ж. Накетаев өткөн жыл соңунда өткөрүлгөн Чаткал районунун 80 жылдык маарекесин жогорку деңгээлде өтүшүнө райондук маданият бөлүмүнүн кызматкерлеринин салымы чоң экендигин белгилөө менен, алдыдагы маданий иш чараларга жигердүү катышууга чакырды жана “Тарых жана маданият” жылын жемиштүү аяктоону каалап кетти.

М. Эшназаров

Кашабаңдарды тузак менен колго түшүрүп

карышкыр IMG_1875 карышкыр IMG_1876

 

Жыл сайын Чаткал айыл аймагынын аңчылары тузактын жардамы менен карышкырларды колго тушүрүшүп, элдин колундагы төрт түлүк малга зыян тийгизип келаткан кашабаңдардын санын азайтууга аракет кылышып келишет.  Жакында Курулуш айылынын тургуну Айдаров Чыңгыз токойго тузак коюу менен 2 карышкырды колго түшүрдү. Бул тууралуу Чаткал айыл аймагынан билдиришти.

Кошумчалай кетсек, өтүп бараткан айдын башында Чандалаш айылынын тургундары Эшназаров Рустам жана Барпиев Топчу айылдаштары менен биргеликте 5 карышкырды жок кылышкан.

М. Эшназаров

Мектеп ашканасындагы жаңы шарттар

Өткөн окуу жылында райондогу бир топ мектептерди МЕРСИКО уюму камкордукка алып, баарына ашкана жабдууларын жана азык-түлүктөрдү берген. Алардын катарында Чаткал айыл аймагынын  Курулуш айылындагы “С. Мырзалиев” орто мектеби да бар.

Бүгүнкү күндө, 1-4-класстардын 110 окуучусу шашке тамагын ичкен мектеп ашканасында МЕРСИКО уюму тарабынан берилген бир электр плитасы, сыйымдуулугу 40 литр болгон Тефал идиши, идиш-аяк жуучу аппарат, 2 даана темир стол жана эки даана идиш-аяк коючу стеллаж пайдаланылууда.  Идиш жуучу аппаратка чакан электр кыймылдаткычтын жардамы менен сырттан түтүк аркылуу суу киргизилген. Ашканада күнүмдүк керектөөлөргө ысык суу пайдаланылат.

МЕРСИКО IMG_5978

мерсико IMG_5983 мерсико IMG_5986 мерсико IMG_6000 мерсико IMG_6001 мерсико IMG_6002 мерсико IMG_6003 мерскио IMG_5994 мерсико IMG_5991 мерсико IMG_5993

-Окуучулар 5 күн ысык тамак менен камсыздалган. Дүйшөмбү күнү окуучуларга сүттөн жасалган ботко ал эми, калган күндөрү ысык тамак берилет. Шашке тамагы үчүн МЕРСИКО уюму тарабынан атайы эсептелинип, жетишээрлик өлчөмдө күрүч, өсүмдүк майы, ун жана буурчак берилген. Мамлекет тарабынан шашке тамагы үчүн бөлүнгөн каражаттын эсебинен эт, картошка, сабиз, пияз, жумуртка сыяктуу азык-тулүккө кошумча керектөөлөрдү сатып алабыз. Мектеп ашпозу Бекмуратова Гүлбайра МЕРСИКО тарабынан ашпоздук окуусунан өтүп, атайы сертификатка ээ.-дейт мектеп директору Айнура Өскөнбаева.

М. Эшназаров