Архив за месяц: Июль 2015

Чаткал эли сыймыктанган Жамила

Спорт-өмүр булагы демекчи спорт-бул, ден-соолуктун туткасы. Спорт менен ар күн сайын машыгып көнүгүүлөрдү жасап турсаң ден-соолукту чыңдоо менен бирге өмүргө-өмүр кошосуң. Бирок ар бирибиз эле спортко кызыгып, спорт менен алектене бербейбиз.

Буга да өзүнчө шык-талант, эң негизгиси кызыгып умтулуу керек. Көпчүлүк учурда жигиттер арасында спортко басым жасагандар көп, ошондой болсо да жигиттерден  кем калышпай, спорттун ар түрдүү тармактарында күч сынашып, өз элин, өз жерин, Кыргызстандын атын алыска чыгарган кыздарыбыз бар  экендиги кимди да болбосун кубантат. Мына ошондой кыздарыбыздын бири Чаткал районунун Каныш-Кыя айылында өсүп чоңойгон  Жамила Ибраимова.жамила20150710_105903

 жамила20150710_105759

Анын алгач өмүр таржымалына кайрылсак, ал 1986-жылы Чаткал районуна караштуу Каныш-Кыя айылында туулган.1993-жылы Кайың-Суу орто мектебине кирип, 2004-жылы мектепти аяктаган соң , 2005-жылы Жалал-Абад облусундагы №1 кесиптик лицейдин бухгальтерия бөлүмүнө тапшырып, аталган окуу жайын аяктап, 2008-жылы Жалал-Абад Мамлекеттик Университетинин дене-тарбия факультетине тапшырып, 2011-жылы бул окуу жайын бүтүргөн.

Анын спортко болгон сүйүүсү бала кезден эле ойгонуп, мектепте окуп жүргөн кезде  мектепте өткөрүлгөн спорттук таймаштарга кызыгуу менен катышып, күч сынашып, жеңиштерге жетишип, андан соң  аталган жогорку окуу жайда окуп жүргөн мезгилде да  Жамила Ибраимова спорт жаатында көптөгөн ийгиликтерге жетише алды.

Тактап айтканда 2005-жылы волейбол оюну боюнча Касендеев турниринде биринчи орунга ээ болушкан. Мындан тышкары күрөш боюнча да 2007-жылы Жалал-Абад облусунда өткөн кыз-келиндер арасында 59 кг салмакта күч сынашып биринчи  орунду багындыра алды. 2008-жылы Кыргызстандын  биринчилигинде ушул жаатта экинчи орунга татыктуу болду. Ал эми жаштар арасында волейбол оюуну боюнча атаандаштарына жети жыл биринчи орунду алдырбай, эң мыкты команда боло алышты. Көптөгөн оюндарда жеке жана командалык эсепте жеңүүчүлөр менен  “Ардак грамоталарга”, медалдарга татыктуу болду.  Копия Копия Копия жамила20150710_110323жамила20150710_105531Копия жамила20150710_110323

 Копия Копия Копия жамила20150710_110449

Жамила Ибраимованын ушундай ийгилик жолуна жетелеген спортко болгон кызыгуусуна кызыгуу арттырган  алгачкы күрөш боюнча машыктыруучусу Нурбек Исмаилов, ал эми волейбол оюуну баюнча Кайрат Садыков жана учурдагы машыктыруучусу Саити Патиновдордун эмгектери чоң жана алардын жардамы менен Кыргызстандын көптөгөн  региондоруна барып өз күчүн көрсөтөтүүгө жол ачылды.

Мына ушундай кыргыздын  сыймыктуу кызы учурда Жалал-Абад облусунун Сузак районуна караштуу  №29 Т. Муратов атындагы орто мектебинде дене-тарбия сабагынан билим берип, мындан тышкары Зуура Нурматова атындагы кыргыз-түрк кыздар лицейинде волейбол оюну боюнча машыктыруучу болуп иштеп келе жатат. Ушундай спорттун кырында жүргөн кызды тарбиялап, өстүргөн атасы Абдували, апасы Анарбүбү жана бир тууган эже-сиңдилери ошондой эле агасы Жамалбек сыймыктануу менен Жамилага ар дайым колдоолорун көрсөтүп келишет. Көңүл жылытар мына ушундай  спорт каарман кызыбыздын күчүнө күч кошулуп, Кыргызстандын желегин башка мамлекеттерге желбиреткен, мыкты спорт чебери болсун демекчибиз.

М. Эшназаров, КР. журналисттер кошунунун мүчөсү

80 жылдык маарекеге даярдыктар

Изображение 4021 IMG_3296 Чаткал районунун 80 жылдык маарекесин өткөрүүгө  кызуу даярдыктар башталды. Аталган маарекени уюшкандыкта өткөрүү боюнча райондук жетекчилик тарабынан уюштурулган курам тарабынан ар жума сайын жыйын өткөрүлүп, ага ылайык, мекеме, ишканаларга тийиштүү тапшырмалар бериле баштады.

IMG_3298IMG_3293

 

Бүгүн, 20-июль күнү берилген тапшырмага ылайык, райондук ДЭП-27 жол тейлөө ишканасынын техникасы раймамадминистрациянын атарабындагы боз үйлөр тигилип, расмий жана маданий иш чаралар өткөрүүгө ылайыктуу негизги аянтты тегиздөө иштерин жүргүздү.

Белгилүү коомдук ишмер-бирге окуган курдаштарым менен табышсам-дейт

 

Жалал-Абад облусундагы Чаткал районунун Курулуш айылынын тургуну, Чаткал районунун ардактуу атуулу,  эмгектин ардагери, белгилүү коомдук ишмер Мелисбай Сейталиев 1961-1966-жылдары Ош Мамлекеттик педагогикалык институтунун табият таануу факультетинде бирге окуган курдаштарын байланышууга чакырат.  Дареги: Жалал-Абад облусу, Чаткал району, Курулуш айылы. Байланыш тел: 0771793761

Элибиз жетик уул-кыздарына ар дайым ишеним артат

3. Исмаилов Нурбек Сапарбекович

Ар бир жерди, ар бир элди башка жактарга ошол жерден, элден чыккан окумуштуу, акын, жазуучу, спортчу айтор, ар тараптуу таланттуу инсандар таанытат эмеспи. Андай инсандар  өз жеринин сыймыгы, куту керек болсо өз жеринин, өз кичи Мекенинин абийири болуп калаары талашсыз. Мындай инсандардан Ала-Тоонун бейиштей кооз бурчу болгон биздин Чаткал районубуздун да куру эместиги сыймыктантат.

Мен жогорудагыдай инсандарыбыздын катарына белгилүү спортчу, КР. cпорт чебери Нурбек Исмаиловду кошоор элем.

Нурбек Исмаилов 1980-жылы 25-майда Жаңы-Базар айылында карапайым жумушчунун үй-бүлөсүндө төрөлгөн. Ал жаш кезинен спортко аралашып, алгач райондук деңгээлде ийгилик жарата алса, эр жеткенде студент болуп, шаардын чоң турмушуна аралашып, анда да спортту таштабай, тетирисинче, спортко жан-дили менен киришип, облустук, республикалык деңгээлдеги бийиктерди багындырып, дүйнөлүк деңгээлдеги мелдештерде Кыргызстандын желегин желбиретүүгө жетишти.

Анын спорттогу ийгиликтерине учкай токтоло кетсек, 1995-1996-жылдары эркин күрөш жана улуттук күрөш боюнча мектеп окуучулары арасында областтык мелдештерде бир нече ирет биринчи орундарды багындырган.

1998-жылы республикалык мелдештерде биринчиликти багындырып, анын натыйжасында Казакстанга жолдомо алып,  Кордой шаарында болуп өткөн эл аралык турнирде 2-орунду ээлеген.

1999-жылы Тажикстандын Душанбе шаарында жана Өзбекстандын Фергана шаарында өткөн эл аралык турнирлерде 1-орундарды камсыз кылган.

2000-жылы Жалал-Абаддагы КГИФти ийгиликтүү аяктап, Жалал-Абад балдар жана өспүрүмдөр спорт мектебинде жана Р.Санатбаев атындагы олимпиадалык мектепте машыктыруучулук жумушка кабыл алынган.

2003-жылы алыш күрөшү боюнча Республиканын биринчилигин утуп, Иран республикасынын Тегеран шаарында өткөн дүйнөлүк жана Азиянын  биринчилигинде алыш күрөшү боюнча алтын жана күмүш  медалдардын ээси болгон.

2006-жылы Ысык-Көлдө өткөн кыргыз күрөшү боюнча Азия биринчилигинде кумуш медалга ээ болгон.

Нурбек Исмаилов жаштайынан спорт менен бирге эле, коомдук-саясий иштерге активдүү аралашып, чебер спортчу гана эмес, өз позициясы бар, көз карашы жетик, жогорку мамлекеттик жооптуу кызматтарды аркалай алган жоопкерчиликтүү жана саясатта өз орду бар активдүү жаран катары да коомго белгилүү болуп келе жаткан кези.

Анын буга чейинки мамлекеттик кызматтагы басып өткөн эмгек жолуна токтоло кетсек:

2010-жылы КР. ӨКМдин борбордук аппаратында министрдин жардамчысы,

2011-2012-жылдары Жалал-Абад областтык ПГП «Темир» ишканасында жетекчиси кызматтарын аркалаган.

Ал эми, 2012-жылы жергиликтүү кеңештерге болгон шайлоодо “Өнүгүү-Прогресс” партиясынын тизмеси аркылуу Жалал-Абад шаардык Кеңешине депутат болуп шайланган. 2014-жылы Жалал-Абад шаардык кеңешинин төрагасынын орун басарлыгына шайланып, төрага өз эрки менен отставкага кеткенин учурда ага,  жаңы төрага шайланган кезге чейин төраганын милдетин кошумча аткаруу милдети чоң ишеним менен жүктөлүп, ал бул жоопкерчиликтүү, ары саясий мааниси чоң кызматта алты ай иштеген.  Бул анын жаш болсо да, саясий жактан жетик жаран катары калыптанып калгандыгын жана элибизди келечектен көптү үмүттөндүргөн кадрлардын бири экендигин ачык айгинелеп турат.

4 баланын атасы, эркин жана кыргыз күрөш спорт чебери, билим берүүнүн отличниги Нурбек Исмаилов азыркы убакта КР ТИМнин алдындагы К.Дыйканбаев атындагы Дипломатиялык Академиясынын 3-курсунда билим алып жатат.

Сөз соңунда, элибиз Нурбек Исмаилов сыяктуу республикалык деңгээлде иш алып бара билген, жетик уулдарына ар дайым ишеним артаарын айта кетмекчимин.

Азисбек Осмонкулов

Айт намазы жаңы мечитте окулду

IMG_3283   IMG_3290Жаңы-Базар айылында тээ Союз мезгилинен бери толук бүтпөй келаткан мечит бар болчу. Мечит өткөн жылдан бери жергиликтүү жаштардын демилгеси жана демөөрчүлүгү менен ондолуп, учурда дээрлик толук бүтүү алдында. 17-июль-Айт күнү аталган мечитте Айт намазы окулду. Айт намазынын алдынан айыл имамы Кадыр Эгембердиев мечиттин курулуш иштерине демөөрчүлүк көрсөткөн жарандардын аттарын атап, аларга айыл тургундарынын атIMG_3284ынан ыраазылык билдирди.IMG_3286

Андан соң, Айт намазына айылдын бардык намазкөй жашоочулары келишип, айыл имамы Кадыр Эгембердиевдин  имамдыгы алдында намазга жыгылышты. Бул күнкү Айт намазына мечитке үч жуздөн ашык адам катышты.

Мунарбай Сыйнатович бүгүнкү күндө бактылуу карылыктын төрүнөн орун алып, жети неберенин сыймыктуу таятасы жана чоң атасы

сатибеков мунарбай IMG_2682Чаткал районунда көптөгөн атуулдарыбыз өз убагында чарчадым, чалыктым дебей мамлекетке жана элге күнү-түнү кызмат өтөп келишкен. Алар менен ар убак келечек жаштары ал тургай, бүткүл Чаткал журтту сыймыктанып келет. Ийгилик ишке жараша –демекчи өзүнүн күжүрмөн кызматы менен иштеп, райондун түптөлүшүнө зор салым кошкон инсандарыбыздын бири-учурда ардактуу эс алуудагы персоналдык пенсионер Сатыбеков Мунарбай Сыйнатович. Ал алгачкы эмгек жолун 1967-жылы Таш-Көмүр шаарындагы Таш-Көмүр ПМС ында жумушчу болуп иштөөдөн баштап, 1969-жылы Жаңы-Жол районуна караштуу Караван ремонттук курулуш участогунда жумушчу болуп эмгектенген. 1969-1971 жылдары Фрунзедеги финансылык-экономикалык техникумунун “статистика” бөлүмүн аяктап, 1971-80 жылдары Ала-Бука райстатында улуу инспектор, жетекчинин орун басары, 1988-89 жылдары Чаткал райкомпартиянын сунушу боюнча Беш-Арал аарычылык совхозунун партиялык уюмунун секретары, башкы эсепчиси, андан кийин 1989-жылдан 2011-жылга чейин Чаткал райондук мамлекеттик статистика бөлүмүнүн жетекчиси кызматында үзүрлуү эмгектенген. Жалпылап айтканда, Чаткал, Ала-Бука райондорунун статистика тармагында 40 жыл эмгектенсе, анын ичинен 29 жыл Чаткал районунун статистика тармагынын жетекчиси болуп келди. Ардактуу эс алууга чыккан мезгилде да жөн олтуруп калбай, 2011-2012 жылдары Чаткал райондук мамлекеттик статистика бөлүмүнүн адиси кызматын аркалап, өзүнүн мыкты иш тажрыйбасын келечек муундарга бөлүшүп, тактап айтканда он бешке жакын жаш адистерди жетекчиден жогорку кызматтарга чейин тарбиялап өстүрдү.

сатибеков мунарбайIMG_2687

Адамды даража жогорулатпайт, даражаны адам жогорулатат-дегендей, Сатыбеков Мунарбай Сыйнатовичтин өтөгөн кызматтары мамлекет тарабынан зор баага ээ болуп, аткарган эмгектери эл колдоосуна арзып, 1982-жылы статистика тармагындагы көп жылдык эмгеги үчүн СССРдин уюшулгандыгынын 60 жылдыгына карата СССРдин Борборлоштурулган статистика башкармалыгы тарабынан “Социалисттик учеттун отличниги” төш белгиси, 1997-жылы Кыргыз РеспубликасынынУлуттук статистика комитетинин “Статистика отличниги” деген төш белги, 1999-жылы Кыргыз Республикасынын “Ардак Грамотасы” менен сыйланган. Ошондой Кыргыз Республикасынын Улуттук статистика комитетинин, Жалал-Абад облустук мамлекеттик администрациясынын, Жалал-Абад облусттук мамлекеттик статистика башкармасы Жалал-Абад облустук профсоюз комитетинин “Ардак Грамоталары” менен ошондой эле СССРдин жогорку Советинин жана Кыргыз Республикасынын элдик контролдоо комитетинин “Алкыштарына”, райондук социалдык-экономикалык жактан өнүгүүсүнө кошкон бараандуу салымы үчүн 2008-жылы “Кыргыз Республикасынын эмгек сиңирген экономисти” наамы ыйгарылган. Чаткал районунун “Ардактуу атуулу” наамдарына ээ болгон.

сатибеков мунарбайIMG_2689

Мына ушундай эмгеги менен кошо ынытмагы бекем, очор-бачарлуу үй-бүлөнү түптөп, өмүрлүк жубайы Жайнак апа менен эки уул, эки кызды тарбиялап, аларды өз убагында окутуп, учурда уул кыздары жогорку кызматтарда иштеп келишет. Мунарбай Сыйнатович бүгүнкү күндө бактылуу карылыктын төрүнөн орун алып, жети неберенин сыймыктуу таятасы жана чоң атасы. Райондун социалдык-экономикалык өнүгүүсүнө бараандуу салым кошкон Мунарбай Сатыбековдой эл арасында дайым бар болуп, келечек муундарга өзүнүн ак кызматы жана бараандуу эмгек жолу менен үлгү боло беришине тилектешпиз.

Гүлмайрам Ташбаева, Кыргызстан Журналисттер кошунунун мүчөсү

Кулактандыруу!


Чаткал аймактык шайлоо комиссиясы эскертет:
Урматтуу Чаткал районунун тургундары!
КР. Мыйзамдарына ылайык, Кыргыз Республикасынын ар бир жараны биометрикалык каттоодон өтүүгө милдеттүү болсо да, районубуздун көптөгөн жарандары бүгүнкү күнгө чейин биометрикалык каттоодон өтпөй келишүүдө.
Баарыңыздарга белгилүү, быйыл КР. Жогорку Кеңешине шайлоолор болот. Мыйзамга ылайык, бул мамлекеттик мааниси зор иш чарага биометрикалык каттоодон өтпөгөн жарандар катыша алышпайт. Быйылкы шайлоого мыйзамда көрсөтүлгөндөй, мурдагы шайлоолордой жарандар айдоочулук күбөлүгү, пенсиялык күбөлүк же, аскердик билети менен кирип, добуш бере алышпайт. Быйылкы шайлоого жарандар жалпы жарандык паспорт (ID карта) менен гана кирип, добуш бере алышат. Мында, сөзсүз биометрикалык каттоодон өткөн болуусу тийиш. Ошондуктан, биометрикалык каттоодон өтө элек жарандар район борбору Каныш-Кыя айылындагы паспорт жана виза берүү бөлүмүнө келип, биометрикалык каттоодон өтүүлөрү тийиш.
Ал эми, биометрикалык каттоодон өткөн жарандар өздөрүнүн биометрикалык каттоодо тургандгын билгиси келсе http:\shailoo.srs.kg сайтына кирип, билсе болот.
Сиздерди тере урматтоо менен,
Чаткал аймактык шайлоо комиссиясы