Архив за месяц: Май 2015

“Кыз-Булак” жүргүнчүлөрдүн эс алуу жайы оңдолмокчу

SAM_3321 кызбулак 3 кызбулак 3 кызбулак 4 кызбулак 5 кызбулак 6

“Кыз-Булак” жүргүнчүлөрдүн эс алуу жайы Чаткал өрөөнүнүн кире бериш жериндеги Чаткал-Ала-Бука унаажолу кесип өткөн, табияты кооз жерде орун алгандыктан, бул жайга ары-бери каттаган жүргүнчүлөр токтошуп, андагы суусу таза, муздак булактан суу ичишип, аз да болсо эс алып өтүшөт. Мындан сырткары, чаткалдыктар келген меймандарды ошол жайдан тосуп алышып, кайра эле ошол жайдан узатууну адатка айлантышкан. Ал эми, жаңы үйлөнгөн жаштар да ал жерге барышып, эс алышып, кооз табияттын койнунда сүрөткө  түшүшүп дегендей, эс алып келишет.

Мында өкүнүчтүү жери, эс алуу жай көптөн бери кароосуз калып, тозулуп бараткандыгы жашыруун эмес. Антсе да, быйыл бул эс алуу жайын оңдоп, ал жерге маданияттуу эс алууга ылайык шарттар түзүлүп, түнкү чырактар орнотулуп, заманбап түргө келтирүү иштери колго алынып жаткандыгын кубануу менен айткыбыз келет. Бул тууралуу жакында болуп өткөн элдик жыйында район акими Канжарбек Эшалиев маалымдады. Анын маалымдашынча, бул ишти райондук токой чарба мекемеси токой чарба агенттигинин каржылык колдоосу менен ишке ашырмакчы. Ал эми, эс алуу жайына электр жеткирүү маселеси райондук жетекчилик тарабынан колго алынмакчы.

М. Эшназаров

Курулуш айылына электр жеткирүү маселеси чечилет

чаткал а.о 1

Жакында Чаткал айыл аймагынын Курулуш айылында өткөн элдик жыйында айыл четине салынып жаткан жаңы конуштарга электр энергиясын жеткирүү маселеси көтөрүлүп, райондук жетекчиликке жана райондук электр тармагы ишканасына суроолор коюлду. Айтылган маселеге жооп берген район акими Канжарбек Эшалиев былтыр жаңы конуштарга электр энергиясын жеткирүү үчүн токой чарба агенттиги менен сүйлөшүү аркылуу Чаткал өрөөнүнүн башындагы карагайлардан зым карагайларды даярдоо маселеси чечилип ал тургай, зым карагайлар жетээрлик даярдалгандыгын билдирди. Болгону, зым карагайларды ташып келүү маселеси жергиликтүү калк тарабынан колго алынуусу керек. Ал эми, зым карагайларды орнотуп, зымдарды талаптагыдай тартуу иштери райондук электр тармагы ишканасы тарабынан жүргүзүлөт. Былтыр КСДП саясий партиясы тарабынан айылдагы жаңы конуштарга коюу үчүн жетиштүү кубаттуулуктагы трансформатор маселеси чечилген.

 

Элдик жыйында бул маселе боюнча сөз алган Чаткал айыл аймагынын башчысы Нурланбек Мырзаяров зым карагайларды ташып келүү айыл өкмөтү тарабынан колго алынаарын маалымдады.

М. Эшназаров

Мектеп чатырын алмаштырууга райондук жетекчилик каражат таап бермекчи

С. Мырзалиев орто мектеби МЕРСИКО

Чаткал айыл аймагынын Курулуш айылындагы С. Мырзалиев орто мектебинин чатырынын эскилиги жетип, жаан-чачын учурунда мектептин ичине суу өтүп, ичиндеги керектүү кагаздар, эмеректер жараксыз болууда. Бул тууралуу мектеп директору Айнура Өскөнбаева жакында Курулуш айылында өткөн элдик жыйында билдирүү менен, район акими Канжарбек Эшалиевден бул көйгөйлүү маселени чечүүгө жардам сурады. Анын билдиришнче, мектеп чатырын жаңылоого 1 млн. 250 миң сом акча каражаты кетээри эсептелип чыккан.

Район акими каражат таап, бул маселени чечүүгө жардам берүүнү убада кылды.

М. Эшназаров

Жаңы-Базар айылында бир топ иштер аткарылууда

чаткал а.о 1

Жаз айлары келээри менен Чаткал айыл аймагынын Жаңы-Базар айылында айылдын инфратүзүмүн жакшыртуу иштери башталды. Тактап айтканда, айылдын борбордук көчөсүнө түнкү чырактар орнотула баштады.

тунку жарыктар 2

Мындан сырткары, айылдын таза суу түтүктөрү да оңдолуп, түзөө иштери башталуу алдында турат. Айта кетчү нерсе, айылдын таза суу түтүктөрүн оңдоого Кичи Чаарат фирмасы 1 млн. сом акча каражатын берген.

Изображение 108

Ал эми, таза суу түтүктөрүн “Скай” ишканасы ишке ашырмакчы. Бул тууралуу Чаткал айыл аймагынын башчысы Нурланбек Мырзаяров маалымдады.

М. Эшназаров

Райондун 80 жылдык маарекесин утурлай

80 жылдыкка шакафтар китепканачы чаткал районуна 80 жыл 1

Чаткал районунун уюшулгандыгына быйыл туптуура 80 жыл толуп олтурат. Чаткал районунун 80 жылдыгын белгилөө маселеси алгач Курулуш айылынын тургуну, белгилүү коомдук ишмер Мелисбай Сейталиев тарабынан сунушталып, район жетекчилиги тарабынан колдоо тапкан эле. Андан соң, бул датаны архивдик материалдар аркылуу тастыктоо иштери район жетекчилиги тарабынан дыкаттык менен жүргүзүлүп, соңунда бул датаны сентябрь айында жогорку деңгээлде белгилөө боюнча маселеси көтөрүлүп, республиканын жогорку бийлик органдары тарабынан колдоо тапкан.

Бүгүнкү күндө Чаткал районунун 80 жылдык маарекесин утурлай район жетекчилиги тарабынан бир топ иш чаралар турмушка ашырылууда. Атап айтканда, район тарыхы тууралуу энциклопедия чыгуу алдында турат. Андан сырткары, район тарыхына байланыштуу дагы бир китеп даярдалып жаткан кези.

Ал эми, жыл башында Чаткал району тууралуу даректүү фильм тартылып, КТР аркылуу республика калкына сунуш кылынгандыгы белгилүү.

Май айынын башында Чаткалдан чыккан белгилүү обончу, спортчу, маркум Таалай Бектургановдун чыгармачылыгына арналган сынак болду. Июль айында борбор калаада Таалай Бектургановду эскерүү кечеси республикалык деңгээлде өткөрүлмөкчү.

Мындан сырткары, райондогу мектептерде белгилүү инсандардын катышуусунда Чаткал районунун тарыхына байланыштуу тегерек столдор, талкуулар өткөрүлдү.

Албетте, алдыда дагы бир топ иш чараларды өткөрүү боюнча пландар бар. Буларды өткөрүүдөгү максат-Чаткал районунун 80 жылдык маарекесин татыктуу тосуп алуу болуп эсептелет.

М. Эшназаров  

Чаткалдын бейтапканалары жаңы меджабдыктар менен толукталмакчы

минздрав Батыралиев 1

Быйыл Чаткал райондук жалпы дарыгерлик практикалык борборуна баасы 3 млн. сомдук сандык рентген аппараты алынып берилмекчи. Бул тууралуу КР. Саламаттыкты сактоо министри З. Батыралиев жакында районго келген иш сапарында маалымдаган. Ал мындан сырткары,  район борборуна жаңыдан курулуп жаткан лабораторияга да баасы 100 млн. сомдук меджабдуу бөлдүрүп берээрин билдирген.

Буюрса, быйыл район калкы саламаттыкты сактоо жаатында бир топ жаңы шарттар менен камсыздалмакчы.

М. Эшназаров  

Белгилүү обончу, ырчы Үсөн Оморовдун чыгармачылык кечеси өтөт

жаш ырчы Самаган Жоробеков мугалими үсөн Оморов менен

Быйыл Чаткал районунун 80 жылдык маарекесинин алкагындагы иш чаралардын бири катары, Чаткалдан чыккан белгилүү обончу, ырчы Үсөн Оморовдун чыгармачылык кечеси өтмөкчү.

Бул тууралуу жакында Жаңы-Базар айылында өткөн элдик жыйында район акими Канжарбек Эшалиев билдирди. Анын билдиришинче, белгилүү обончунун чыгармачылык кечеси райондук жетекчиликтин колдоосу менен сентябрь айында өткөрүлмөкчү. Бүгүнкү күндө Үсөн Оморов алдыдагы чыгармачылык кечесине карата жаңы обондорду чыгарып, мурдатан бери эл ичинде ырдалып келаткан обондуу ырларын белгилүү аткаруучуларга аткартып, айтор, кызуу даярданып жаткан кези.

М. Эшназаров  

Чаткалдагы Идрис пайгамбардын кадамжайы туристтерди кабыл ала баштады

Чаткалдагы Жаңы-Базар айылынан орун алган Идрис пайгамбардын кадамжайы быйылкы эс алуу мезгилин ачып, туристтерди кабыл ала баштады.

 

Бул жайга жыл сайын Орто Азиянын көпчүлүк бөлүгүнөн ондогон адамдар зыярат кылганы келишет. Бул жайдын адамдарды өзүнө тартып тургандыгынын себеби, мында Идрис пайгамбардыкы делген 11-12-кылымдарга таандык архитектуралык эстелик күмбөздөр орун алган.

 

iippippЭски китептерде жазылгандай, Идрис пайгамбардын улуту араб, өзү Мисирлик (Египет) болуп, ага Алла Тааладан пайгамбарлык берилген экен. Анан ал, дүйнө жүзүн кыдырып жүрүп, Чаткал өрөөнүнүн бейиштей кооздугун, табиятынын тазалыгын жактырып, мында жашап калган дешет.

i i i

Чаткал өрөөнүнүн бийик, шаңдуу жана кооз жеринен орун алган күмбөздөр алда кайдан көз жоосун алып, адамды өзүнө тартып турат. Мында келген адамдар бул жерден руханий тазаланууга ээ болуп, ар кандай ырым-жырымдарды жасашып, Алла Таалага ыраазылык билдирип кетишет.

Кадамжайдын айланасына арча, карагай көчөттөрү тигилип,  дарбаза, чакан оргума курулуп, отургучтар орнотулуп, ага жараша ички шарты, мында келген адамдарды кабыл алуу тартиби жылдан жылга жакшырып барат. Мындайча айтканда, райондук жетекчиликтин, демөөрчүлөрдүн колдоосу менен кадамжайдын шарты улам оңдолуп, заманбап түскө келүүдө. Мында алыстан келген туристтерди түнөтүүгө ылайык мейманкана, ашканалары  жана анда иштеген жергиликтүү кызматчылар бар. Ал эми, кадамжайдын тарыхын, анын маанисин келгендерге жеткире түшүндүргөн диний кызматкерлер-шайыктар кызмат көрсөтүшөт.

i i

Айта кетчү нерсе, күмбөздөр жыл өткөн сайын эскирип, урап бараткандыктан,  аларды кайрадан оңдоп-түзөө маселеси келип чыккан эле. Бул маселе 2011-жылы чечилип, тактап айтканда, Жогорку Кеңештин ошол кездеги депутаты Камчыбек Ташиев тарабынан күмбөздөрдүн үстү заманбап чатырланган.

i ipp ipp

Бүгүнкү күндө күмбөздөр жаан-чачындан ишенимдүү корголгон жана адам баласы үчүн көп жыл руханий кызмат кыла бермекчи.

Чаткалда комплекстүү машыгуу болду

машыгуу 1

Май айынын 21-22-күндөрү Чаткал районунда комплекстүү машыгуу болду. Бул иш чарага район аймагынан 15 мекеме жана эки айыл аймактан жалпы 200 адам катышып, өзгөчө кырдаал жаралган учурларда кандай коопсуздук чаралары көрүлөөрү иш жүзүндө аткарылды.

машыгуу 4Мында, алдын-ала планмашыгуу 3га ылайык, район борбору Каныш-Кыя айылындагы С. Байдөөлөтов орто мектебинин экинчи кабатынан “өрт чыгып”, ал кырсыктан мектеп окуучуларын аман алып калуу, андагы адамдарды коопсуз жерге эвакуациялоо, кырсыкка кабылгандарга медициналык жардам көрсөтүү сыяктуу алдын алуу иш чаралары өрт коопсуздугу бөлүмү, саламаттыкты сактоо мекемеси, ички иштер бөлүмү мекемелеринин кызматкерлери тарабынан иш жүзүндө аткарылып көрсөтулдү.

машыгу 6 машыгуу 7 машыгуу 8

Комплекстүү машыгуу иш чарасына район акиминин орунбасары Жуманалы Накетаев, КР. ӨКМнин Жалал-Абад облустук башкармалыгынан келген өкүлдөр майор Асан Сулайманов менен улук лейтенант Кубанычбек Абдыракмановдор катышып, комплекстүү машыгуунун башында турушту.

23-май күнү КР. ӨКМнин райондогу бөлүмү тарабынан район борбору Каныш-Кыя айылындагы негизги спорт оюндары өтчү  аянттын Чаткал дарыясына жакын жээгине таш төгүп, дарыянын агымын өз нугуна буруу иштери аткарылды.

жээк ондоо 1 жээк ондоо 2 жээк ондоо 3 жээк ондоо 4

Бул жумуштарга райондук ДЭП-27 ишканасынан 1 автогрейдер, райондук суу чарба башкармалыгынан 1 эксковатор, 1 КАМАЗ самосвал автомашинасы, Чаткал токой чарбасынан 1 трактор, Каныш-Кыя айыл аймагынан 3 самосвал автомашинасы жана 25 жумушчу тартылып, узундугу 60 метр, туурасы 4 метр жерге бийиктиги 1 метр таш жана шагыл ташылып, төгүлдү.

жээк ондоо 5 жээк ондоо 6 жээк ондоо 7

КР.ӨКМнин  райондогу бөлүмүнүн маалыматына ылайык, бул күнү жалпысы болуп 162000 сомдук жумуштар аткарылды.

М. Эшназаров “chatkal.kg

кулактандыруу!

Чаткал райондук каржы бөлүмү төмөнкү бош кызмат ордуна ачык сынак жарыялайт

инженер программист 1-орун

Талапкерге коюлуучу квалификациялык талаптар;

-иш стажы талап кылынбайт,

-кесиби инженер программист

1. Өздүк баракчасы,

2. Резюме,

3. 3х4 өлчөмүндөгү 2 даана сүрөт,

4. Өмүр баяны,

5. Паспорттун көчүрмөсү (ОМС менен),

6. Эмгек китепчесинин жана дипломдун көчүрмөсү (нотариус аркылуу тастыкталсын).

Керектүү документтер сайтка жарыяланган күндөн төмөнкү даректе кабыл алынат

Чаткал району, Каныш-Кыя айылы, Чаткал райондук каржы бөлүмү, (раймамадминистрациянын имараты, 1-кабат), сурап билүү тел; 03749 6-01-92, 3-00-10