Архив рубрики: Жергиликтүү кабарлар

Район акиминин жаңы орун басары дайындалды

Рысбеков Мураталы Абдукайимович КР. Премьер министринин 2020-жылдын 10-августундагы номер 319-буйругунун негизинде Чаткал райондук мамлекеттик администрациясынын башчысы-акимдин биринчи орун басары болуп дайындалды.
Мураталы Рысбеков 1984-жылдын 4-январында төрөлгөн. Улуту кыргыз. Үй-бүлөлүү, 4 баланын атасы.

Ал алгач Эл аралык Башкаруу, Укук, Финансы жана Бизнес Академиясынын соода-экономикалык колледжин, андан соң Кыргыз экономикалык университетин аяктаган.

2002-жылдын 16-сентябрынан 2004-жылдын 16-августуна чейин Кыргыз Республикасынын Президентинин Администрациясынын Пландоо, каржылоо жана эсепке алуу борборунун бөлүмүнүн жетектөөчү адиси, 2004-жылдын 17-августунан 2005-жылдын 12-майына чейин Кыргыз Республикасынын Жогорку Кеңешинин палаталарынын, комитеттеринин жана Мыйзам чыгаруу жыйынынын Аппаратынын жетекчилигинин ишин оперативдүү жана машинка менен камсыз кылуу тобунун башкы адиси, 2005-жылдын 12-майынан 10-февралына чейин — Кыргыз Республикасынын Жогорку Кеңешинин Административдик бөлүмүнүн техникалык бөлүмүнүн катчысы, 10.02.2006-жылдан 13.05.2006-жылга чейин Кыргыз Республикасынын Жогорку Кеңешинин Административдик бөлүмүнүн материалдык-техникалык камсыздоо бөлүмүнүн башкы адиси, 2006-жылдын 13-майынан 12-декабрына чейин Кыргыз Республикасынын Жогорку Кеңешинин Административдик бөлүмүнүн инженердик-курулуш бөлүмүнүн башкы консультанты, 2008-жылдын 12-февралынан ушул убакка чейин Кыргыз Республикасынын Жогорку Кеңешинин Администрациялык бөлүмүнүн финансы-экономикалык талдоо секторунун башкы адиси болуп эмгектенген.

Эмгек жолунда Кыргыз Республикасынын Жогорку Кеңешинин Ардак грамотасы, Кыргыз Республикасынын Финансы министрлигинин «Финансылык-чарбалык ишинин мыктысы» наамына ээ болгон.

Мураталы Рысбековдун жооптуу кызматына ийгилик каалайбыз.

Райондук ЖААК бөлүмүнө имарат салуу максат кылынууда

Буга чейин Чаткал райондук ЖААК бөлүмү райондук токой чарбасынын имаратында иш жүргүзүп, өз алдынча имаратка ээ болбой келгендиги маалым. Быйыл бул маселе чечилип калуусу мүмкүн. Бул тууралуу райондук ЖААК бөлүмүнүн башчысы  Гүнөтай Ибраева билдирди. Анын билдиришинче, ЖААК бөлүмүнө имарат салууга район борборунун Маданият участкасынан жер тилкеси бөлүнүп берилди. Эми, каражат маселеси чечилип калса, имараттын курулуш иштери колго алынмакчы.

Кормоцех участкасына таза суу чыгарылат

Айгыр-Жал айылынын Кормоцех участкасына быйыл “Чаткал өнүктүрүү фондунун” эсебинен   таза суу чыгарылат. Бул тууралуу Каныш-Кыя айыл аймагынын башчысы  Нургазы Жолдошев билдирди. Аталган участкага таза сууга чыгарууга былтыр аракет көрүлүп, аягына чыкпай калган.

Район калкынын саламаттыгы үчүн

Бүгүнкү күндө район боюнча 31 улан, кыздар  район тарабынан  жогорку медициналык окуу жайларында кен казган фирмалардын колдоосу менен окутулууда.   IMG_20190206_110526Бул улан, кыздар окуу жайларын аяктаган соң, алдын ала келишим боюнча Чаткал районуна беш жыл иштеп беришет. Бул тууралуу район акими К. Эшалиев элдик жыйында маалымдады.

Чаткалдык өспүрүмдөр түштүк аймагы боюнча биринчиликти алышты

Өткөн жуманын соңунда республикабыздын түштүк аймагы боюнча мектеп окуучулары арасында воллейбол боюнча Кадамжайда өткөн «Алтын күз » спорттук мелдешинде Чаткал районунун Тообай Эрматов атындагы өспүрүм балдар спорт мектебинин командасы 1-орунду жеңип алышты. Бул тууралуу спорт мектебинин директору Равшанбек Арыкбаев билдирди. Анын маалымдашынча мелдешке жалпы он бир команда катышкан.

дюсш 1 дюсш 2

М.Эшназаров

Шакафтарда эрежесиз эр уруш боюнча мелдеш өттү

14-ноябрда Шакафтар айылында FFC уюму жана Шакафтардагы «Айкөл » клубунун уюштуруусу менен эрежесиз эр уруш боюнча таймаш өттү. Анда жалпысынан эки кур коюлуп, кур үчүн ат салышкан мушкерлер 77кг салмагында Наркул уулу Алибек анын каршылашы Өзбекистандык Турсунов экөөсү беттешип, Наркул уулу Алибек женишке жетишти.
Экинчи курда Эрматов Бахадыр менен Кадыров беттешип Бахадыр Эрматов женишке жетти
Таймашка жалпы 17 жуп мушкер катышып, алардын көпчүлүгүн чаткалдык жана алабукалык спортчулар түздү.
Бул тууралуу «Айкөл » спорт клубунун жетекчиси Бектур Чыналиев билдирди.

айкөл 1 айкөл 2 айкөл 3 айкөл 4 айкөл 5

М.Эшназаров

Ийри-Сай арыгы каналга айландырылууда

Курулуш айылынын маңдайындагы Ийри-Сай арыгы тереңдетилип казылып, каналга айландырылууда. Бул жумушка Чаткал айыл аймагы тарабынан 283 миң сом каралган. Ал эми, жумуш жеке ишкер Асылбек Дозонов тарабынан ишке ашырылууда.

-Арыктын узундугу 4300 метрди түзөт. IMG_20181101_123609 IMG_20181101_123141Ал канал катары кеңейтилип, казылып бүтсө жалпы 160 гектардан ашуун  эгин аянтына кайрадан суугат суусу жеткирилет. Бул аянттын 22 гектары айыл өкмөттүн балансында, ал эми калган жерлер калктын үлүш жерлери болуп эсептелет-дейт Чаткал айыл аймагынын башчысы Бакытбек Исабеков.

Эскерте кетсек, аталган арык  тээ Союз мезгилинен бери алгач оңдолуп жатат.

М. Эшназаров

Видеокөзөмөлдөө жумуштары ишке ашырылууда

2018-жыл-Региондорду өнүктүрүү жылына арналган иш чаралардын алкагында Каныш-Кыя айыл аймагы тарабынан бир топ иш чаралар турмушка ашырылууда. Атай кетсек, жакында айыл аймагынын өздүк каражаттарынын эсебинен 3 мектепке-С. Байдөөлөтов орто мектебине 23,  Исмаил уулу Матиш орто мектебине 24, Башкы-Терек орто мектебине 24, ал эми Каныш-Кыя айыл аймагынын кеңсесине 7 даана видеокөзөмөл камералары орнотулду.IMG-20180913-WA0006 IMG-20180913-WA0008 IMG-20180913-WA0009 IMG-20180913-WA0011 IMG-20180913-WA0012 Буга кошо эле,  коомдук тартипти көзөмөлдөп туруу максатында Чаткал РИИБи үчүн Каныш-Кыя айылынын борборуна 1 даана видеокөзөмөл камерасы коюлду. Жалпы 79 видеокөзөмөл камералары орнотулуп, бул жумуштарга Каныш-Кыя айыл аймагынын бюджетинен 426105 сом акча каражаты жумшалды.

М. Эшназаров

Т.Бектурганов атындагы маданият үйү капиталдык оңдоп-түзөөдөн өткөрүлүүдө

Жаңы-Базар айылындагы Таалай Бектурганов атындагы айылдык маданият үйү түрткү берүүчү гранттын эсебинен капиталдык оңдоп-түзөөдөн өтүүдө. Эскерте кетсек, аталган маданият үйү курулгандан бери айрым утурумдук оңдоолорду эсептебегенде, быйылкыдай оңдоп-түзөөдөн өтө элек.жаныбазар клуб 1 жаныбазар клуб 2 жаныбазар клуб 3 жаныбазар клуб 4 Бул иштерге жалпысынан 894600 сом каралып, мындан Чаткал айыл өкмөтүнүн эсебинен 230000 сом каралып, калган каражаттар түрткү берүүчү гранттан болууда. -Маданият үйү буга чейин отун, көмүр менен жылытылган. Быйыл электр буу казаны менен жылытууга өтмөкчү -дейт Чаткал айыл аймагынын башчысы Бакытбек Исабеков

М.Эшназаров

Балдарга жакшы маанай тартууланды

18-июнь күнү  Каныш-Кыя айылындагы «Чаткал-Жеткинчек » балдар эс алуу жайында райондун ар кайсы айылынан ата-энелери менен биргеликте келип, эс алып жаткан  мүмкүнчүлүгү чектелген он беш балага Ч. Айтматов атындагы райондук маданият үйүнүн өнөрпоздору чакан концерт тартуулашты. Иш чарага район акиминин орунбасары Асел Чынасова, мамлекеттик жана муниципалдык кызматкерлердин райондук кесиптик бирлигинин төрагасы Бактыбек Алиев, Каныш-Кыя айыл аймагынын башчысы Нургазы Жолдошевдер катышты.
Эскерте кетсек, бул эс алуу иш чарасы «Борбор Азиялык өнөктөштүк » жана «Илимий-техникалык тил институту » уюмдарынын колдоосу менен беш күндүк убакытка уюштурулган.

М. Эшназаров

лагерь 37277249_622462874805953_7015378613256060928_n лагерь 37289238_622462788139295_6066771498943643648_n лагерь 37310933_622463428139231_5688990251511447552_n лагерь 37311751_622463131472594_5289082161498947584_n лагерь 37323978_622463231472584_5436002959651504128_n лагерь 37357315_622463304805910_3056723749207277568_n лагерь 37390780_622462984805942_6541083527922843648_n